بعض خلق الله كارثة ن عظيمه=انتبه بالهرج والسكبه يغرك
يقلط المغرب ليا جاته عزيمه=وينزبر في الصف الاول ويتفرك
وان نصيته بجنبي . ماقام شيمه=لا سبرته صد عنك ولاتحرك
مع رداه وشينه اخلاقه ذميمه=وفي المواقف لايسر ولايضرك
يسبق الضيفان لصحون الوليمه=رقمه الاول على الحاشي المبرك
يحسب انه كاسب قدر وغنيمه=مادرى ان العيب فوق اللاش ورك
ومابقى له عند كل الناس قيمه=شاب راسه ماسمع لله درك
ضاوي العصيمي