ابل حمود بن هليل

القصيدة التي عرضت عليها ابل بن هليل المجاهيم فئة 100 في مزاين ام رقيبة عام 1431/1432 هـ بصوت مهنا الدلبحيبين عرق ام الجماجم والحفر=يوم كلٍ فى الوعد بيته بناه

عاش مطنوخٍ بنا بيت الشعر=ارتكى والماقف الصعب احتماه

ومن بعيدات النحايا والدير=جوه قطمان المحازم من غلاه

وكل شغمومٍ من الهيلا حضر= يرفع الرايه على هامة عصاه

كلها لحمود عرفان وقدر=الكريم اللي قرا المجد اعتلاه

يالعصيمي سوق زينات الصور=سوقها قدام يامال الغناه

للمزاين يوم ابو فيصل ومر=امر مشعل كلبونا في حراه

وجايزة عبدالعزيز اكبر فخر=ياهنا من فاز فيها ياهناه

وانت جبت اللي يفز الها النظر=مثل لون الكحل في رمش الفتاه

نايفات الطول حسكات الوبر=فوق طول ارقابها رق وجلاه

روسها تطرح عمامة من سبر=والخشوم اللي تثير الانتباه

كنها مقاطع فنود الشجر=والاذاني كنها حراب الغزاه

وغاربٍ مارق ونسنوس ونحر= وسدو جنبٍ جل خلاقٍ سداه

لاقبلت فيها سعاطير وسطر= خطر تاطا ماعترضها من مشاه

كنها نوٍ من المنشا حدر= مدلهمٍ مظلمٍ منهل ماه

ولادبرت عرقوب مع ورك وظهر=وذيلٍ اسود فيه من وصف العباه

ندرٍ معها قعودٍ معتبر=متفوق من خفافه لاقراه

حذفوا يالاد عاصم بالغتر=والعلم رزوه في راس النباه

ياذرى البل يوم صكات الدهر=مايجيها غير من يومه دعاه

كم عقيدٍ مايهاب من الخطر=لاتوسمها فهق عنها وراه

لالقا الحيه عليها ينقهر=وينثني مجبور ماحصل مناه

والعشيه كلنا بدو وحضر=شعب واحد والوطن نلطم عداه

كلنا في طاعة ولاة الامر=وخادم البيتين نمشي في رضاهdoPoem(“font=’Arial,5,#000000,bold,normal’ bkcolor=’#FFFFFF’ bkimage=” border=’inset,4,#400000′ shadow=’1′ type=0 line=0 align=center use=ex num=’0,#400000′”);