في ابل / محمد بن سحيم العصيمي1432يامحمد يامنومس بني عمه= للمزاين قدم الذود قدمها
ورّد الوضح الغوالي على الجمه= خلها تشرب وتدحم مداحمها
واحتزم بالاد عاصم هل الهمه= ربعك اللي ماتراخا محازمها
الولد منهم لامنه عقد كمه= يتعب كبار الهقاوي ويفحمها
اسمهم والفعل تدري به الامه= وابلهم قوم الطمع ماتقاسمها
كم عقيدٍ يفرق الشمل ويلمه= يحتدي عن دربها لاتوسمها
لا لقا الحيه عليها حقن دمه= وانكف حبال النجاه يتلزمها
قبل حكم معزي اللي جلا الغمه= وسار بنصوص الشريعه وحكّمها
لين صارت كل الاضداد منظمه= واحتفالات التلاحم تنظمها
والمزاين حدده مشعل وتمه= بعد الاضحى والجوايز مولمها
وكل راعي شول جا عاصب العمه= شافها فرصه وجاك يتغانمها
والمجاكر موعده لحظة اللمه= وندر بن سحيم مضمون مقسمها
نايفاتٍ قود لاجات فى مهمه= تاخذ الطاله على من يزاعمها
لامشت تشعرك بالكبر والزمه= الجماهير الغفيره تقومها
من شبح فيها بعينه نسي همه= يالله من عيون الاشرار سلمها
للقصايد والنظر صارت اليمه= جل ربٍ بالتميّز مكرمها
من مشاربها ليا أذيالها قمه= ودي اوصفها واخاف اني اظلمها
لاسبرها راعي العرف والذمه= يذكر اسم الله قبل لايقيّمها
ويكتب الاول لها حكر ماهمه= العلامه عن جداره يتممها
صفوةٍ فيها هل الصنف مهتمه= طيلة ايام المزاين تلازمها
حولها كل الجماهير ملتمه= تلعب العرضه وترمي عمايمها
فيد شغمومٍ منومس بني عمه= نادرٍ كل المراجل تزعمهاdoPoem(“font=’Simplified Arabic,6,#0024FF,bold,normal’ bkcolor=’#FFFFFF’ bkimage=’images/backgrounds/33.gif’ border=’inset,6,#0300FF’ shadow=’1′ type=2 line=0 align=center use=ex num=’0,#400000′”);