اسوار المدينة

ياعنود الشعر هلي وانثري عطر القوافي=زيدي المسرح حضور وزلزلي صمت المدينه

ارقصي والليل في مبدا السهر والجو صافي=واسرقي من كل عاشق همهمة حزنه وعينه

طفي المشتب ياغاده وشبي كل طافي=واحرقي حنظل حشا والا حشا اسقي ياسمينه

واسرجي عزمك حصان النصر لصوات المنافي=وادفعي عطفك لغرقا الحب والحيره سفينه

وازرعي كل الصدور زهور وقصور ومرافي=واغسلي من نبعك العذب النفوس من الغبينه

كل ماتخطين خطوه من خطاك يموت وافي=وكل نفحه من شذا روضك تفك ابها رهينه

وان نفضتي صدرك الزامي يصيح مية سنافي=ويتجلى الفرق مابين الهزيله والسمينه

في سناء خدك حياة وفي دجى طرفك ملافي=وفي سماء الغره شموخ وبين كفينك سكينه

ياعنود الشعر هلي مامضى من وقت كافي=مابقى بالعمر كثر اللي تقافت من سنينه

التحفته وادري ان البرد كله في لحافي=الجمود ورخصة الكلمه بعد كانت ثمينه

كم دفنت أحلام عمري بين اخاديد ارتجافي=لين ضاعت حيلتي والحيل بالقلب وحنينه

كل ماقالوا عوافي قلت هي وين؟ العوافي=العوافي لوتصافح راحتيني راحتينه

واشربه ثم ارفضه ثم اشربه واروي جفافي=وكل طالب دين يظهر حجته ويسد دينه

انشري يافتنة العشاق نورك لاتخافي=مايخاف اللي يخاف الخوف من طلعة جبينه

واغرقي ليل الغرام انغام ولحون وقوافي=لين يطرب كل باب وترقص اسوار المدينهdoPoem(“font=’Arial,6,#000066,normal,normal’ bkcolor=’#FFFFFF’ bkimage=’images/backgrounds/7.gif’ border=’groove,5,#3333FF’ shadow=’1′ type=1 line=0 align=center use=ex num=’0,#400000′”);