قصيدة القاها شاعرنا من خلال النقل المباشر عندما كرم من قناة الساحة الاوله يالله ياللي ماتخيب من رجاك= احفظ بلادٍ نرخص الارواح دون ترابها
واحفظ ملوك بلادنا واوعد عداهم بالهلاك=والآمن عزه واطف نيران الفتن واسبابها
يادارنا عاشوا محبينك ولاعاشوا عداك=يموت راع الغدر رجله فيك ماياطابها
في رعاية الله ثم عبدالله وسلمان ورعاك=الله ثم رجالٍ من اجلك تعتزي بانسابها
ياخادم البيتين حنا حزة اللازم عصاك=اضربنا الحيه تموت وسمها في نابها
والثانيه لالاح برقك ياقصيدي في سماك=سيّل بقيفانك فحول الاوديه واشعابها
خابرك ياشعري تنومس فالمواقف من نخاك=تطلع مطاليع الحرار السبّق بركابها
والليله الموضوع سامي ميرجيب اللي وراك=لعلك تكمّل حقوقٍ ماحصرت حسابها
افزع بعوبا تبهج الخطّر عسى الهين فداك=اكسب عليها بيض الله وجه من غنابها
عساك ياشعري تجملني عساك وياعساك=توفي حقوق اميرنا اللي جيته فزنابها
بعض الرجال اسمه ينومسني ويرفع مستواك=وفعله حروفك فوق هامات العلا يرقابها
هذاك بن نايف سعود انا اشهد ايبالله هذاك=اسمه عمود المرجله واوتادها واطنابها
قال القصيد ابشر بعزك والطلب فالحال جاك=تطلب لاميرٍ يمه الندّر تعوج ارقابها
وجتني مطانيخ القوافي من هناك ومن هناك=اللي تشع بنورها واللي تعج اطيابها
لجلك يابو نايف وغاية شفها تطلب رضاك=حطتك وجهتها وجتك افواج وانت اولابها
انت الفخرللشعروالشاعر والاقصى واقرباك=وانت السند لاقامت الدنيا تحد انيابها
لاضاعت الحيلات نزبن في ذرى الله ثم ذراك=وتقوم وليا قمت بامر الله وتحل انشابها
وانت الكريم اللي تبسم كل مالناصي نصاك=ضحكة حجاجك تنسي اصحاب الهموم اتعابها
طيبك تجلا في تواضعك وتعاملك ونباك=ونفحات يدك اللي على المعسر ضقى جلبابها
تعيش يمنا جودها يمطر مثل نو السماك=تسطابها على العطايا الغاليه تسطابها
امير وابن امير وتحب المراجل من صباك=وحفيد حكامٍ تخلص فى اللقاء طلابها
جدك معزي يوم صكات الليالي والعراك=هو مقدم الهيجا لياشي الفتن شبابها
انتم هل العوجا ليا كبرت وحل الارتباك=سهومكم ورماحكم مايختلف مضرابها
ورثت كل المجد والطولات من جدك واباك=وكل الصفات اللي رسول الله لنا وصابها
المدح يانبع الوفاء والجود مايلحق مداك=ياكثر مافالقلب والساني عجز ماجابها
الله يزيدك خير ويطول بعمرك ويحماك=ويحفظك واهل المنطقه منزلك وسط اللبابها
والك التحيه عد ماداعب نسيم النود راك=تحيةٍ عساك يارمز الوفاء ترضابها
شعر=ضاوي العصيمي
doPoem(“font=’Simplified Arabic,6,#000000,bold,normal’ bkcolor=’#FFFFFF’ bkimage=’images/backgrounds/27.gif’ border=’groove,6,#1B04B0′ shadow=’1′ type=2 line=0 align=center use=ex num=’0,#400000′”);