الجيوب السارحه

يا صعب ميقاف وقفتة نهار امس =لولا عزومي كان الاعصاب تنهار

شفت الجيوب السارحة طلعت الشمس=اللي على بيبانها رمز فكس آر

اخر مديل وضح يتبعهن الجمس=محمل بعزبة طويلين الاشبار

فيها قروم يدمسون الخطر دمس=من شان راحتهم يبيعون الاعمار

وحر قطامي حدم ما يقبل اللمس=ما ظن مثله شالته كف صقار

عسى عيون اهل الحسد تنطمس طمس=والله يجنبهم صواديف الاقدار

لو كان ماعرفهم ولالي بهم رمس=لكن مارضى للمناعير الاضرار

وقفت اراعيهم وانا خاطري عمس=وكن الحشا مشتب في داخله نار

عزي لقلب بعدهم منحس حمس=وعزي لعين عقبهم دمعها حار

اجر صوتي واضرب الخمس بالخمس=وامشي شوي يمين وشويه يسار

واللي يهرجني يبا السالفه همس=اشهر بصوت يسمعه كل مرار

انا انغمست بهاجس اهل الولع غمس=ولاعاد لي عن نقلة الطير معذار

معاد انا بمطاوع اللي يقول امس=وشلون ابا امسي يا قصيرين الانظار

مبغا نصيحه منك يالعذل النمس=مدام شفي مع هل الجاه والكار
doPoem(“font=’Simplified Arabic,6,#000000,bold,normal’ bkcolor=’#F0E5E8′ bkimage=” border=’outset,7,#400000′ shadow=’1′ type=2 line=0 align=center use=ex num=’0,#400000′”);
ضاوي العصيمي