الا واهني اللي بفعل الجمايل فاز
كسب وال نعم فـ اول حياته وفـ اخرها
تعلا سنام المرجله والفخر وامتاز
بطيب النبا واهل اللوازم يقدرها
كريمٍ ليا شاف الحيا يردع المعتاز
قضى حاجته لوهو بوجهه يدبرها
ترى المال لن ماوفيت منه الحقوق خناز
تمعن بكلماتي وميّز وفسرها
احد للعلوم الغانمه صار له معناز
واحد سمعته عند النشاما يدمرها
وخابت يمين ن لاطرا صابها هزاز
تطوله وعن جزل العطا الشح قاصرها
وكل يقاس بمافعل والحياه الغاز
ومن يطلب العليا يمينه يحررها
مدامك بخير ومقتدر بالحساني جاز
لاتخلف هقاوي ربعك اللي تكبرها
وان اعطيت مره لاتظنك فعلت انجاز
ترى الناس للمعروف تفني مذاخرها
ليا وفق الله لو عجوز ن على معكاز
تقطع على شان الجمايل بناجرها
ضاوي العصيمي