الدكتور محمد الشويّب

من ماقفٍ ما وقف به غير كفوله = لو ما يجمل وقوفه ماتهياله

سلام تسليمٍ ابديّه في حله = عداد ما ينثر الهملول هماله

صافي وضافي على الحضار والحله = اخترت غالي الثمن واوفيت مكياله

أوفي حقوق الرجال ودربي ادله = واللي يسّند مالي وماله

كم واحدٍ لو دعاني قلت له لله = حتى ولو زاد عن قارون بمواله

اصد واقفي ويلقى من يطبل له = ماني بعباد درهم واعبد رياله

اما الشويب رفيع القدر والمله = اليا دعاني وصوبي دز مرساله

اقول لبيه وايبالله وايبالله = يا عزوتي يا شماغ الراس وعقاله

لزومكم لازمي وانا نشيطٍ له = وافرح لراعي الشهامه واتعناله

محمد اللي يطيع الشعر قدرٍ له = رمز المكارم وريث المجد والطاله

اللي جمع كل وصفٍ نادرٍ كله = عدٍ روي يارد الضامي على جاله

شيخٍ يروم المعالي والوفاء دله = يبرك لما يتعب الندّر ويشتاله

الله يبارك لبو ظافر ويمهل له = النادر اللي نفاخر به وبفعاله

شداده المجد والنوماس كسب له = حرٍ ولد حر منزاله بمنزاله

ظفرٍ كريمٍ مواقيفه تبرهن له = دكتور في العلم واللي يرغبه ناله

الرقم الأول على انداده مسجل له = تواضعه قدمه خطوه على امثاله

وشلون ما نمدح الممدوح ونجله = لا صار من طيب ابوه مسندٍ خاله

والطيب ماحد يجي دونه ويحتله = موجود في الناس مير محمد لحالهdoPoem(“font=’Simplified Arabic,5,#000000,bold,normal’ bkcolor=’#ECF5F2′ bkimage=” border=’groove,8,#400000′ shadow=’1′ type=0 line=0 align=center use=ex num=’0,#400000′”);