الشعر

الشعر احاسيس ومشاعر هيض للذوق الرفيع=تفيض من نبع الضمير العذب يوم انه يفوح

طعم العسل لون الذهب نفحة زهر نبت الربيع=فيها الفرح فيها النقا فيها ضمادٍ للجروح

فيها الحكم والموعظه والمعرفه تمشي جميع=والنصح والارشاد والتوجيه للجيل الطموح

ماهوب وزن وقافيه تعسف على عرج ٍ ضليع=تصفيف قولٍ لامعٍ لكن بلا معنى وروح

والشاعر الموهوب روح الشعر عنده ماتضيع=ينقد بيوته نقد وافي قبل سده لايبوح

واليا نزل للسوق قصده يشتري والا يبيع=يختار من غاليه والهين يزله بالشبوح

الثلج لاخميت عليه الشمس لابده يميع=وشعرٍ بليا عرف ياشعار في وقته يروح

من فضلكم لاتظهرون الشعر بالثوب الخليع=ثوبه ستير ولن تغيّر بان عيبه والقدوح

الصحف نقراها ونسمع مايذيع ابه المذيع=ومقدماتٍ رصّعت باحلى عبارات المدوح

ونلقى القصيده من بعدها مابها شيءٍ نفيع=لاقاعده لاساس الامذهب وينقصها الوضوح

ياهل المعاني دوروا للمشكله حلٍ سريع=والشاعر اللي يبخل برايه نسميه الشحوح
doPoem(“font=’Simplified Arabic,6,#000000,bold,normal’ bkcolor=’#FFFFFF’ bkimage=’images/backgrounds/1.gif’ border=’solid,6,#400000′ shadow=’1′ type=2 line=0 align=center use=ex num=’0,#400000′”);
ضاوي العصيمي
مجاراة عبدالله بن عبدالرحمن بن زويد العصيميالشعر اله مبدا واله منهج واله بابٍ وسيع=والطالب اللي يدخله يعرف سقوطه والنجوح

والشعر روضه للعقول النيره والمستطيع=نبت وثرى وغصون خلابه وعطرٍ مايروح

وانا معك فالراي ياللي قلت للحكمه وديع=هي زبدة الشعار والشعار يبنون الصروح

القطن الابيض ينعرف لونه من الوان الوشيع=واللي مايفرقها ماعنده لاحليب ولاصبوح

والمشكله غزوٍ لفوا من كل حزم وكل ريع=واطيبهم اللي ينزل الميدان وحصانه جموح

ثم حصّل التصفيق والتشجيع من راس الشجيع=ثم قال انا فارس زماني ولعوا شمع الفروح

واسرج خيوله واشغل افكاره وجاب من الرجيع=والعج ثار وعانق خياله وبراقه يلوح

والناس تعرف برقه الاوهام وخياله ضريع=لو قال انا عندي سهوم الموت خيال اللدوح

ياشاعر الفكره ليا دورت لك حصن منيع=منصاك ابو نايف خضير ابشر لك بوجه سموح

وزيد بن راجح لاسمع صوتك وناديته يطيع=عنده نظر واسع ويدري بالحقايق والمزوح

من غير قاصر في رجال الفكر والدرب السنيع=واطلب من الله النجاه اللي برج لاصحاب نوحdoPoem(“font=’Simplified Arabic,6,#000000,bold,normal’ bkcolor=’#FFFFFF’ bkimage=’images/backgrounds/7.gif’ border=’groove,6,#400000′ shadow=’1′ type=2 line=0 align=center use=ex num=’0,#400000′”);