الشيخ عيدان الطويل

القيت في الحفل الذي اقيم في مدينة تربه للشيخ عيدان الطويل بمناسبة تكريمه ل(( شبل الهيلا)) بسيارة في ملتقى عتيةياهاجسي روّض صعاب الغفل بالقاف العسير=كله لعين اللي اليا سمع الثمينه هزته

للشعر حين وحان وقت الشعر والماقف كبير=ولابارك الله في قصيدٍ مايجي في حزته

أتعب من اجل الشعر وانقا غالي الدر النظير=وماغاب عن غيري هواجيسي تجي مغتزته

حرفي شجاع ولايهاب وجم تفكيري غزير=جعله يجملني ليامن الحميا دزته

لا نبني فواز ماخاير ولا شاور شوير=أدعس ظروفي كلها واجيه من معزته

سلام ياهل الهيل والنوماس والسيف الشطير=لطامة النازي ليامن الهقاوي نزته

يافزعة البل فوق قب الخيل لاصاح النذير=ياعزوة اللي حدته شهب السنين ولزته

اليا بغى يشرب من الماء عاقه الحبل القصير=واليا قرب نومه مراسيل النوايب قزته

اليا نصاكم يسفهل ويصبح الكايد يسير=وايمانكم عنه الخصيم اللي يطالب كزته

ومبروك ياشبلٍ بعقلك رجل لو سنك صغير=شبلٍ يبشر بالنجوميه على اول فزته

تستاهل التكريم من شيخٍ كفو وانته جدير=شيخٍ يمينه كسبها عن واجبه ماوزته

هذاك عيدان الطويل القرم عون المستجير=ومنصى القريّب والبعيد اليا الظروف ابتزته

يعطى الجزال ويلطم العيال ويعز القصير=وشوحه طويل وبيرق الطالات كفه رزته

الطيب واجد فى الرجال ولال ابو تركي خشير=في رفقته في وقفته في مدته في عزته

لوقلت في عيدان قبلي قيل به مدحٍ كثير=تتعب حروف الشعر وبحوره وهي ماجزته

وختامها من صادق الساني ومن صافى الضمير=مبروك ياشبل سطع نجمه على اول فزته

شعر=ضاوي العصيمي
doPoem(“font=’Simplified Arabic,5,#000000,bold,normal’ bkcolor=’#EFF6F6′ bkimage=” border=’groove,7,#0D10AA’ shadow=’1′ type=0 line=0 align=center use=ex num=’0,#400000′”);