الشيخ فواز بن محمد ال خليفة

المدح عن بعض المقاصد منزه=عزيز واهدافه نبيلات وعزاز

احيان مايمشي لو انك تدزه=واحيان تكفيه الاشاره والايعاز

وفي كل حال وكل ماقف وحرزه=انا اشهد انه يعشق الشيخ فواز

شيخٍ عواصيف الدهر ماتهزه=مثل الجبل شامخ ولاهوب ينهاز

له رايةٍ بيضا وفعلٍ يرزه=وله في سنام المجد مركى ومركاز

وله في قلوب الناس قدر ومعزه=وبكلمة ابيض وجه طير السعد فاز

وله راحةٍ ماطاح فيها تكزه=يجني منافع جودها كل معتاز

غيثٍ لمن جور الزمن مستبزه=ورحمه لمن بيّن به الوقت مهماز

تذبح هواجيسه وهمه تغزه=وتشد عضده لين ينشط ويجتاز

الصعب ومع الصف الاول تلزه=راحة يدٍ لاسهبت في مدحها جاز

يمنا كريمٍ دام خيره وعزه=دمث الجناب اللي على المرجله حاز

شيخٍ على الطالات عجلٍ مفزه=طيبه موارث جد والدين معناز

نفحات جوده غيمةٍ مستعزه=واليا نوى في شان عجّل بالانجاز

شوحه بعيد ونظرته مبرهزه=يابعد نوز ابو محمد اليا ناز

صوبه يشوم الشعر في كل حزه=ومالوم شعرٍ يعشق الشيخ فوازdoPoem(“font=’Simplified Arabic,6,#B5022D,bold,normal’ bkcolor=’#FFFFFF’ bkimage=” border=’solid,10,#DA1337′ shadow=’1′ type=2 line=0 align=center use=ex num=’0,#400000′”);