الشيلة الرسمية لمزاين الهيلا

شيلة ملتقى عتيبة الرسمية والتي فازت بالمركز الاول على مايقارب خمسون قصيدة لكبار شعراء الهيلا واعتمدت كشيلة رسمية ولكن تآخر تسجيلها وظروف اخرى حالت دون ذلك وقدمت خلال الملتقى بصوت المبدع سلطان الجلاويياهل البل من بعيدات النحايا=قربوها للمزاين قربوها

فيه جزلات الجوايز والهدايا=للبل الزينه عتيبه جهزوها

بشروا بالفوز كاملت المزايا=بنت هرشٍ طيبها من طيب ابوها

وجمع شولٍ من بعض فيهن حلايا=السهاف اللي تنومس من قنوها

الرقاب من اللحم جردٍ عرايا=والنحور ابواب قصرٍ شرعوها

والغوارب سند وطوالٍ رهايا=ودك ان اهل الحسد ماناظروها

لاقبلت فيها صعاطير وطنايا=ولادبرت هزعٍ عراض لمن قفوها

كسبنا يوم العزاوي والحمايا=البل الاجداد اهلها واحتموها

لجلها داسوا على روس الحيايا=والذياب اللي تعاوى نزحوها

صارعوا من دونها حمر المنايا=بالعزايم والجلاده وغلبوها

احتموها يوم دقلات السرايا=ورحلوا وعيالهم ماضيعوها

لانتثر وبل الحيا واروى الضمايا=والبدو ساهر بروقه خيلوها

ياصلونه قبل تاطاه الرعايا=عن هواها من غلاها ماحدوها

في ديارٍ من كرم رب البرايا=تحوي انواع المراعي كلبوها

حبها مكنوز من بين الحنايا=وحب حكامٍ من الجهل انقذوها

الملوك اللي يمدون العطايا=احيوا العادات والبل شجعوها

مع عموم الشعب صافين النوايا=والعداله والشريعه طبقوها

وشعبهم وافي لهم بدو وقرايا=يالله احفظهم لدارٍ عمروهاdoPoem(“font=’Simplified Arabic,6,#000000,normal,normal’ bkcolor=’#FFFFFF’ bkimage=’images/backgrounds/13.gif’ border=’double,6,#2EEE11′ shadow=’1′ type=0 line=0 align=center use=ex num=’0,#400000′”);