الصد (ومجارة سعد الجميلي)

الصد من خلك ليا جيت ناصيه=يشب في روض الضمير الشبايب

ماهوب شرهه من كبار المشاريه=الا كما الصفعه على وجه شايب

حتى عواريف العرب تبتلش فيه=اللي يحلون الفتن والنشايب

وانا تجرّعته ولي عام كانيه=اجحد واقدم لليالي ضرايب

واليوم للعذال بانت مواريه=باح الكنين وهاذي ام المصايب

ياعاذل المجروح مافيه يكفيه=صدره تصافق به زعوج الهبايب

ميدان خيل وجيش تسند وتـنحيه=ورماح وسيوف وصياح وطلايب

ماله علاج ولاطبيبٍ يداويه=الا عن العالم يسوق الركايب

يطعن صدور البيد ويدّور التيه=اخير له من قول مخطي وصايب

ان عاش يفنى العمر في شكر واليه=وان مات ينسى والعشير السبايبdoPoem(“font=’Simplified Arabic,5,#000000,bold,normal’ bkcolor=’#EFF3DD’ bkimage=” border=’inset,10,#E7E711′ shadow=’1′ type=0 line=0 align=center use=ex num=’0,#400000′”);
صدى من الشاعر سعد الجميلي لقصيدة الصدياضاوي احلى الشعر تقطف معانيه=ياشاعرٍ دايم حروفه نجايب

تصوغها صوغ الذهب فيد راعيه=وتصبها وسط القلوب الخصايب

الشعر اله سطوه على اللي يعانيه=اقوى من الشلفا بيوم الحرايب

حركت هاجوس القصيد وطواريه=يومٍ قريت( الصد) شفت العجايب

فكّرت في واضح كلامك وخافيه=ولقيت به طب الجروح العطايب

لاصار لك شخصٍ تعزه وتغليه=والوقت غير فيه ماهي غرايب

لان هذا الجيل كثرة بلاويه=حتى القرايب كن ماهم قرايب

اللي تبي ولىّ ولاعاد ترجيه=مبطي قريته في كتاب الغرايب

ان طعت شوري خذ من العلم صافيه=واترك طريقٍ فيه بعض الشوايب

من صد خله لين الايام ترضيه=ياكثر بين الناس تلقى حبايبdoPoem(“font=’Simplified Arabic,5,#000000,bold,normal’ bkcolor=’#EAF9EC’ bkimage=” border=’groove,7,#400000′ shadow=’1′ type=0 line=0 align=center use=ex num=’0,#400000′”);