العيطموس

قصيدة موجهتها للاخ العزيز فيصل بن محمد بن طاحوس ولها موضوع! وقد رد عليها ولكن للاسف رده لم اجده وسوف اورده متى ماحصلت عليهيازياد من جزل الحطب جر وانثر=بالنار لين النار يجذب سناها

خل يتصرّف جمرها ويتدهمر=ويسرق نظر عينٍ سهرها غزاها

ثم لقم الدله من البن الاشقر=بريةٍ يشفي غليلي شذاها

من حب هيل الهند الاخضر تبهر=ولاهيب تصلح لي ليازاد ماها

فنجالها بالطيب كنه معطر=يبرى الجروح اللي تعذّر دواها

واليا صفى جوي وقمت أتذكر=ذكرتها يوم (ن) غيري نساها

العيطموس ام اللباس المشجر=اللي تغلغل في ضميري غلاها

نبت هواها في ضميري وعمر=ودفنت حبي والمرام بحشاها

بالعاصمه ضاعت وهذا المقدر=ولاحد ذكرها لي ولااحد نفاها

راحت ولاعوّد بها الحظ الاقشر=استاقها عني وغيّب مداها

هاذي ثمان شهور وانا اتصبر=وارسل مراسيل الرسايل وراها

واليوم اظن الياس خيّم وعسكر=واعذرت من بنت الغرام وهواها

تكفى يافيصل فالطلب لاتأخر=يابن الرجال اللي يذري ذراها

اتعب على شاني عساها تيسر=افزع تراها يالعتيبي تراها

وابو طلال انخه عساه يتبصر=حيثه ليا هاز الصعيبه قواها

رد الخبر وان كان شفي تعذر=عوّد وكب اهل العيا في عياها

ان كانها ماجات والبال مستر=والا عساها ماتثّني عساها

انسى واصك الباب بالقفل الاصفر=وابحث واحصل غير غاده حلاها

السوق ماليانن من الماس والدر=واللي يدوّر للثمينه لقاها

وانا غني وابشرك ماتآثر=اعط العطايا ماتحرا جزاها

شاعر واللي بين العواريف منبر=انحت بيوت المعرفه في صفاها

وابيع واشري وانتقي واتخير=ونفسي عزيزه مانزل مستواها

قصايدي منها المعاني تفجّر=وجحادها في ذمتي ماغواها

الكبر لله والفتى لاتكبر=حوّل من الرجم الطويل لوطاها

هذي حقايق ثابته ماتغير=من مبتدى الهجره ليا منتهاها

وان شفتها قامت عراها تبتر=والله لارمي في قفاها رشاها

وارفع نظر عيني لمزنٍ تزبر=واخيل بارقها واسيّر حياها

وختامها جاوي وكادي وعنبر=وصلوا على احمد عد مامطر سمهاdoPoem(“font=’Simplified Arabic,5,#000000,bold,normal’ bkcolor=’#F7F7EC’ bkimage=” border=’double,5,#400000′ shadow=’1′ type=0 line=0 align=center use=ex num=’0,#400000′”);