اللواء سلطان بن سعد

مهداة للواء سلطان بن سعد العصيمي بمناسبة الترقية والف مبروكالمجد مايظفر به الا اهل العزم=يحتاج قرم مايهاب اليا نوا

سوات سلطان العصيمي لاحتزم=من كل هامة طيب ياخذ ماهتوا

لولا لتفاني والنزاهه والحزم=وطيب السجايا ماوصل رتبة لوا

عداد نوٍ فيه رعاده رزم=مبروك للي لابغا الحاجه قوا

اللي ليامن صارت الدعوا كزم=مافيه عين الا يذر ابها الدوا

ابو سعد لاجا المواجه مانهزم=واليا ورد للماء بيمناه ارتوا

تخزم خشوم اخصامه افعاله خزم=ويجوّد الكيه ليا منه كوا

من خلقته كفه يجود بما لزم=كريم سبلا مايحالي له سوا

هداج تيما اللي بماه يزم زم=وهداج ماتشبه له عيون الجوا

يميزه في منصبه حزم وجزم=ماهوب يمشيها على حسب الهوا

لجل الوطن عاهد وبالعهد التزم=ونال الثقه والنور له بان وضوا

واجتاز والحاسد على السانه بزم=بعد الغرور اسوّد وجهه والتوا

الحر يطلع والقزم يبقى قزم=لو يرفعه جزاع لافكه ثوا

والمجد يفخر بالعصيمي لاحتزم=اللي على وضح النقا علق لوا
doPoem(“font=’Simplified Arabic,6,#000000,bold,normal’ bkcolor=’#269819′ bkimage=’images/backgrounds/5.gif’ border=’solid,7,#1B921A’ shadow=’1′ type=2 line=0 align=center use=ex num=’0,#400000′”);