اللواء مانع بن عمر ابالعلا

بمناسبة تعيين اللواء الشيخ مانع بن عمر ابالعلا مساعد للوكيل للشؤون العسكرية بالقطاع الغربي ( الحرس الوطني)

مبروك يابو فهد ثقة ولاة الامر=والمنصب اللي عشاشيق العلا تعشقه

انا اشهد انك كفو يامانع بن عمر=وتستاهل المنصب العالي وقد الثقه

يعيش راسٍ طموحه في نمو ماضمر=ويعيش متنٍ عليه الرتبه معلقه

ذكرك مثل فوح طيبٍ حط فوق الجمر=والعود الازرق يطيّب كل من يلحقه

واجدادك اللي على العدوان موتٍ حمر=عدوهم لاطراله ذكرهم يشرقه

وابو ك شيخٍ جميله وابلٍ لانهمر=كم من سجينٍ يجاهه حرره واعتقه

وانت الرجا اللي بوقفاته وفعله عمر=تاريخ جده وابوه ومجدهم وثقه

قرمٍ قيادي محنك بالعطا مستمر=واعي ويمناك يانبع الكرم مطلقه

نلت المدايح وعطفك يالسنافي غمر=من لاذبك من زمانٍ عذبه وارهقه

طيبك كما الشمس ماهو مثل وصف القمر=والشمس دايم بكامل حجمها مشرقه

العلم سيفك وبشتٍ ضافيٍ ماشمر=ومن يكسب العلم فاز ومطلبه حققه

ومن اعتنى بالزراعه لجل جني الثمر=لابد يجني ثمر جهده وكد عرقه

مبروك مالاح برقٍ في خياله سمر=يالنادر اللي كلامه بالفعل يسبقه

ويارب تحفظ لنا القايد طويل العمر=دايم قراراته وخطواته موفقهdoPoem(“font=’Simplified Arabic,6,#000000,bold,normal’ bkcolor=’#FFFFFF’ bkimage=’images/backgrounds/4.gif’ border=’groove,7,#400000′ shadow=’1′ type=0 line=0 align=center use=ex num=’0,#400000′”);