المال والبخيل

قالوا لي انصح قلت انا ماني وكيل=على سليمين الزمن ومجننه

قالوا ترانا ماطلبنا المستحيل=والنصح هذا الليل ماعنك وعنه

وطلبت رب الكون يلهمني دليل=ويكفيني اهم النتب عوج الالسنه

وبديت باسم الواحد الفرد الجليل=استعرض المنطوق واختار احسنه

اوصيك يالسامع عسى عمرك طويل=الفرض في المسجد تغانم وامكنه

وابعد عن المحظور واختار الخليل=جنب قليل الدين والعلم اذهنه

واحذر ثم احذر مع هوا نفسك تميل=ترى الزمن دوار محد يضمنه

واليا عرض لك صاحب الطرف الكحيل=وصفق بليس وقال يالله مازينه

ريان عوده لامتين ولانحيل=لو مر له عود هلاله يفتنه

غض النظر واستغفر الله لاتعيل=وان حاول الشيطان يغويك العنه

وان كنت تاجر والله ان مالك مثيل=اليا عرفت ان كل شي بثمنه

ترى الثري يجود ويعين ويشيل=ماهوب كل اللي يلمه يخزنه

المال يفقد قيمته عند البخيل=يصير له حارص ذهين ويسجنه

ويصبح مجرد رقم في حساب العميل=حتى عياله مايمتعهم منه

ويموت ماخذ لاكثير ولاقليل=ماخذ من مواله معه غير كفنه

شعر=ضاوي العصيمي
doPoem(“font=’MS Dialog,5,#08189E,bold,italic’ bkcolor=’2′ bkimage=’images/backgrounds/49.gif’ border=’double,5,#CC9999′ shadow=’1′ type=1 line=0 align=center use=ex num=’0,0′”);