المختلف

سهرت ليلي مع بنات الفكر اودع واستضيف=اشوفها واحوفها واقطف نوادرها قطف

وانكان ماروضت شقراَ مالها ند ووصيف =عودت لفراش الركود وقلت يالله الخلف

انا تعودت اشتري وابيع بالسوق النظيف=من فضل ربي لاسرق الفكره والا اخذها سلف

والشعر نظمه سهل للي ينظمه لاكن كليف=على الاديب اللي يهمه كيف ياصل للهدف

ماكل من نادى عيونه للورق جاته صفيف=ولاكل شاعر رتب افكاره تعدى المنعطف

بعض القصايد تنطوي في صفحة الشعر الكفيف=نهار تبشيره بمولدها تبشر بالتلف

وبعض القصايد للعقول النيره منهل وريف=يروابها الفكر الحكيم المتزن حب وشغف

وانا اتخير وارفض العادي واجيب من الطريف=والا اعترف في كلمتي ان كان مانزفها نزف

من صادق احساسي واقدمها لجايعها رغيف=تطعن حشا جوعٍ على بوابة افكاره وقف

وارسم بها طلعة محيا نائف الطول الظريف=اللي وهب حرفي لريضان النعومه والترف

غير القصيد الجزل ظلم لمنهل الحب العفيف=اجمع له الجزلات والهزلات اجنبها طرف

انكان ما اشعلها بجزل السمر ماشعلها بليف=هذي قناعاتي وهاذي حرفتي بين الحرف

ياللي تقول من الكلاسيكي لشعرك وش تضيف؟=اقول اخاطب به عقول اهل الوفاء واللي الشرف

والله ثم والله ثم والله مانزل للضعيف=حتى ولو حرّم عليّه نشرها ( بالمختلف)
doPoem(“font=’Arial,6,#000000,bold,normal’ bkcolor=’#D6D6A3′ bkimage=” border=’solid,7,#400000′ shadow=’1′ type=2 line=0 align=center use=ex num=’0,#400000′”);