المرجله

هلابك ياقصيدي واعذب الشّرد حصيل افكـار=خلاصة تجربـه للـي يعقـد الحبـل ويحلـه

ابا اغوص البحور الهوج واجلب غالي المحار=ولن ماجيتبه .. راضي طلعت مـن البحركلـه

تعلمنا نقيس احجامنا مـن يـوم حنـا صغـار=ورجوع الرجل ماهو عيب قبل تشاف بـه خلـه

وتعلمنا الصراع مـع الحيـاه وسيفهـا البتـار=عزايمنـا دروع ٍ لاضربها تثـلـم السـلـه

وتعودنا نواجه بالخطـا راعيـه مهمـا صـار=ولانظلـم ولانـرخى الـرقـاب لخصمـنـا لله

مسارينـا مهاجيـد الذيـاب وشوكـة الصبـار=وعلى روس الافاعي والعقارب ندعـس الذلـه

وترى من لاكلته النـار مايقـدر يشـب النـار=ولاينلام لو قـدم لـك الشاهـي علـى الدلـه

ويمنـاً ماتجـود بجودهـا للطيبـيـن يـسـار=ومحـلٍ مايكـرم زايـره ماهـوب كفـو لـه

ودقنٍ ماتعـدي عـن شنبهـا لوتطـّول عـار=ورجـلٍ ماتعـرف حدودهـا ماتسلـم الزلـه

ولو سوق المراجل فيـه تخفيضـات للاسعـار=شراها من قصر عنها وصار الطيب ورثٍ لـه

لكن المرجله فقـر الضعيف وسلعـة الاخيـار=نجومٍ بالسمـاء يرقـا لهـا الطيـب ماتنرلـه

بري منها القصير اللي يفتش في دروج الجـار=وخويٍ لاغفل عنه الخوي يدعس علـى ظلـه

ونمـامٍ لسانـه للعـروض الغافلـه منـشـار=وسمّـاعٍ سكـت ماسكتـه. واللـي يطبـلـه

وغير وغيرها ياما نشـوف ونسمـع الاخبـار=علـومٍ ينطفـي منهـا الحيـا وتنافـي الملـه

وانا ماملك زمـام المعرفـه للمعرفـه تجـار=بشر ومن البشر واخطى الطريق السنع وادلـه

لكن الا غويت ارجع لشور اهل العقل والشـار=نصيحة شايبٍ خـاوى عصـاه تـداوي العلـه

اطبقهـا واقدمهـا هـدو لهـل الوفـا والكـار=مثل قول المثل دايم طـراة الشـي فـي حلـهdoPoem(“font=’Simplified Arabic,6,#000000,bold,normal’ bkcolor=’#FFFFFF’ bkimage=’images/backgrounds/44.gif’ border=’ridge,7,#400000′ shadow=’1′ type=2 line=0 align=center use=ex num=’0,#400000′”);