المقناص

قصيدة قديمة الا ياهـل الولع عشاقة السجات والمقناص=انا قلبي على المقـناص والسجات شفقاني

ليا منه طـرالي جالسٍ عجـلت بالمـقحاص=وتعبت القـدم مابين هـذا الباب والثاني

ترى حب القنص داخل فؤادي والضماير غاص=تعـمق بالضمايـر ثم نبت لولو ومرجـاني

غرامي في صوالين تبارى مقتـفيها شاص=وربع من مشى في رايـهم ماهوب نـدماني

ودار زايـده بلحيل عن ماظـنه الخـراص=رجوم خضر وفـياض تشادي وصف بستاني

عذيه مارعى فيها حلال ولاوطاها اشخاص=تفوح زهورها وطـيورها تزعـج بلالحاني

يفز القلب مع جول الحباري لاجفل وانقاص=تتـل الشوف ويـزل السمـانا والكـرواني

ويتل الحـر سبقه لانهض بجناحه الرقاص=ويشق الجو لين يطيح دونه شوف الاعـياني

ثم يحـول بمـخلاب حديـد كنه المـفراص=ولا يخط الهـدف كـنه على حبـه ونيشاني

وحيفه ينسي الربدا الخداع وطبعها الحواص=تـشوف لريشها من ضربته بالجو عمدانـي

تفرق عن جسدها من فعايل مخلب قصاص=قطاعينه تطاير في السماء جـمعٍ وشتانـي

ونختار النـقاوي مانخم من الهزال احراص=وبعـض الناس له طبع قنوع يخـم من داني

تخيرنا حـرار خـربها لو هشها مافـاص=تجيه محوله تشـدي صواعق غـر الامزاني

ثم نعود لمنـزلـنا ليامن فاضت الاقـلاص=ونشـب النار ونقـرب لـها نجـر ورسلاني

ونبدا بالحديث وماروى الـعباس وبن العاص=ومجـلسنا الشـريف نعـطره بايات قـراني

وبعد ماتدرج الدله يطيب الـهرج للقـصاص=سواليف لها طعـم العـسل والـريح ريحاني

يسولف للجميع وما تطرف قال عـلم خاص=عـلومه ماجـمعها من عـيوب فلان وفلاني

وجاء دور القصيد اللي بيوته كنها الافصاص=كمافصوص الذهب والماس من غالية الاثماني

جواهر من نفيسات الدرر مابه هلل وانصاص=ثقـيله في معانيـها تـرجح كـل ميـزاني

تعانقها المشاعر والقـلوب تحرك الاقـفاص=تتـوق الها فرح واعجاب ويقـفـن الاحزاني

تقـدم غاليه لهل الغلا ولا الرخاص ارخاص=ضعـيف النفس ماله بينـنا ماوى ومـزباني

نصّخر بالتكاتف والعزيمه كل صعب عاص=يطول الشرح لو حدثتـكم عـن كل ماكـاني

ولامنا سمـحنا ندني المقـلوص للقـلاص=وتبـقى رحلة مـسكانها في كـل وجـداني

انا ياهل الولع قلبي مولع واعشق المقناص=وفي خوة رجـال المعـرفه مغرم وشفـقانيdoPoem(“font=’Simplified Arabic,6,#000000,normal,normal’ bkcolor=’#FFFFFF’ bkimage=’images/backgrounds/41.gif’ border=’groove,4,#FF0045′ shadow=’1′ type=0 line=0 align=center use=ex num=’0,#400000′”);