المنتدى الشعبي

كتبها الشاعر في بداية انضمامه للمنتدى الشعبي وكان رئيسه الشاعر خضير البراقمن مقر المنتدى الشعبي وفيه اكتب قصيده=انتمي له واتكلم عنه بلسان المحايد

مانقصت من الصحيح ولا طرا للبال ازيده=لو شعرت اني بطفف شمت عن نظم القصايد

منتدانا روضةٍ وزهورها دايم جديده=عطرها عذب البيوت اللي نجمعها شرايد

فيه نحيي سيرة الموروث من بعد العقيده=والتقاليد القديمه والمذاهب والعوايد

منتدانا فيه نلقى مانحب ومانريده=واتفقنا واجتمعنا فيه من كل البدايد

فيه الالفه والمحبه والعلاقات الجويده=وبالثقافه والمعرفه نبعه الفيّاض جايد

وبالتناصح والتشاور والمواضيع المفيده=انتحاور وان سرينا منه لمينا الفوايد

الله يعز الامير اللي مشاويحه بعيده=ذاك ابو تركي محمد سورنا دون الشدايد

لفتته للمنتدى تعكس مساعيه الحميده=لم شمل اهل المعاني والقرايح والفرايد

منتدانا عزز اركونه ومده من رصيده=باليمين اللي تمد الجزل ماتعطي الزهايد

جودها هتان برقٍ لاح ومزونه سديده=من طرف وسميةٍ همالها يروي الحمايد

يالله انك تحفظه يارب يارازق عبيده=الامير اللي بفعل الخير طول العمر رايد

وعاش حلال الصعاب سعود بن نايف عضيده=الامير اللي ذراعه بالكرم والطيب زايد

ريف وقت السلم سيفٍ يرهب الروس العنيده=فى المواقيف الصعيبه كايدٍ من نسل كايد

ويالله اني طالبك تحفظ حكزمتنا الرشيده=واحفظ الاوطان من مكر الليالي والمكايد

ولاتزيل افراحنا واجعل ليالينا سعيده=كل ليل من الليالي عيد والصبح نتعايدdoPoem(“font=’Simplified Arabic,6,#000000,normal,normal’ bkcolor=’#DFECF6′ bkimage=” border=’groove,7,#400000′ shadow=’1′ type=2 line=0 align=center use=ex num=’0,#400000′”);