المهور الغاليه

قصيدة انشدها المنشد الاستاذ سمير البشيري في البوم مظاليميا اهل الشهامه والقلوب الفطينه =ترى المهور الغاليه ما بها فود

تنبهوا اهل العقول الذهينه =وخافوا من الله وارحموا كل مضهود

لا جا رجل ترضون عقله ودينه= يا بالزواج يجنبه كل منقود

الواجب انّا يالنشامى نعينه =ونبذل لتسهيل الطلب كل مجهود

ما هوب بالمهر الخيالي نهينه= ونحمله بالدين والدخل محدود

اما رضي مرغم ونفسه حزينه= شال الديون وصار بالفقر موعود

ولا رجع تصفق شماله يمينه= مكسور خاطر عن هوى البال مردود

مظلوم حلو النوم ما زار عينه= تلعب به الافكار والحلم مهدود

اما انجرف خلف العلوم المشينه= عقب الدروب البيض عوّد على السود

ولا تحمل عسر وقته ولينه= وضاع الشباب وزهرته وانحنى العود

يبكي على ما ضيعه من سنينه= ويجاوب الورق اليا ذعذع النود

والبنت عانس ودعتها السفينه= بنت منول حلمها ضم مولود

رخصت بعد كانت عزيزه ثمينه= تبكي من الحسره على كل مفقودdoPoem(“font=’Simplified Arabic,6,#000000,normal,normal’ bkcolor=’#FFFFFF’ bkimage=’images/backgrounds/34.gif’ border=’groove,7,#400000′ shadow=’1′ type=0 line=0 align=center use=ex num=’0,#400000′”);