الوطا

قصيدة قديمة البارحه غزا السهر عيني وعنها النوم راض=سهرت اراجع في حساباتي واحلل واربطا

وفاحت هجوسي بالمثايل فوحة ازهار الفياض=في ديرةٍ من يوم مطرت مابها حيٍ وطا

فيها اجتمع سحر الطبيعه بين غدران ورياض=فراشها عشبٍ خضر زازهارها ستر وغطا

يازين لعب فنونها مابين ميله وانتهاض=ترقص على النسمه وتغريد القماري والقطا

يطرب لها القلب العليل اللي من الايام جاض=لوكان بالاحزان واشكال الهموم محوطا

يفتح لها ابواب الرضا والانس بعد الانقباض=ويلقى بها شفه وغاياته ومعها ينشطا

امشي بها دربٍ سوي مابه طلوعٍ وانخفاظ=ابرح طريقي وادرسه قدام لاسوق الخطا

واعرف سلوم الشعر واعزل السواد من البياض=والطيب نبراسي ومنهاجي ولا حب الخطا

وارسل نظر عيني لبرقٍ في صدوق الوسم ناض=وارفع يديني بالدعاء وارجيك ياجزل العطا

وان ماحصل لي مطلبي مارد لجمة كل حاض=اطرد ظماي بعز نفسي عن تناقيع الوطا

عامين صايم عن شراب عدودها والوقت قاض=وتبخل عليّ المزنه بشربه بعد هذا البطا

اروي بها كبدٍ لهيب القيض منجضها نجاض=وابرد بها همٍ كما الميسم على كبدي سطا

معذور لو دمعي على الخدين يابو زيد فاض=بعد لقيت اللون الابيض بالسواد منقطا

مؤمن بمايقضي القدر ماعاد لي أي اعتراض=حيث الحكيم اللي مع الشده لنفسه يضبطا

لاتفترض ياصاحبي معاد ابه أي افتراض=الصدق ياعايض على الارقاب سيف مسلطا

هات النتيجه وش لزومي فى الطوال وفى العراض=الصبر باح وخطر سحّاب الضماير يفرطاdoPoem(“font=’Simplified Arabic,6,#000000,normal,normal’ bkcolor=’#DEF1DF’ bkimage=” border=’groove,7,#400000′ shadow=’1′ type=2 line=0 align=center use=ex num=’0,#400000′”);