انكسار طفل

شد انتباهي والنظر=طفلٍ صغيرٍ كالبدر

للدمع في عينه حضور=وللهم في وجهه صور

فقلت قرّب وانا ابوك=وانهل دمعه وانتثر

وانهار في لحظة ذهول=وبينَ كفيّ انكسر

يقول كلمة وانا ابوك=محروم منها من الصغر

خالد وريان وسعود=وماجد وسلطان وعمر

كلً له ام وله ابو=واخوان واخوات ومقر

وانا بهالدنيا وحيد=مقطوع مكسور الظهر

مالي قريب ولاصديق=الا التعاسه والقهر

وان قلت وين امي وابوي=اسأل ولا احصل خبر

واروح افتش في العيون=انشد وللرد انتظر

قالوا لي اصحابي لقيط=يعني انا غلطة بشر

يا استاذ وش ذنبي انا=ومن عالمي وين المفر

انا ضحية شهوتين=وانا المعذب فى الدهر

ياويلهم من ربهم=واهوال تعذيب القبر

رموني في ليلٍ ظليم=رموني في غبة بحر

هم وحزن، وحده وضيق=ومذله وتيه وكدر

فانهل دمعي مادريت=واغرق خدودي والصدر

قال انت تبكي قلت اجل=قال الخفيّ ادهى وامر

ياناس وش ذنب الصغير=اللي تكوى بالجمر

يبكي ويبكي كل عين=تخشى الوعيد المنتظر

وما مصيره فالحياة=بعد الحزن فيه استقر

وسلك بداية درب تيه=مظلم على طول النظر

من في ضميره عرق حي=من قصته ياخذ عبر

وقبل الخطا يعصى هواه=ويعصى بليس اليا حضر

ويكبح جماح النفس خوف=من الوعد يوم الحشر

مظلوم ياوكر الهموم=مظلوم ياملجا الصبر

مظلوم يالطفل الصغير=مظلوم ياغلطة بشرdoPoem(“font=’Arial,6,#000000,bold,normal’ bkcolor=’#E0F1E2′ bkimage=” border=’outset,4,#400000′ shadow=’1′ type=0 line=0 align=center use=ex num=’0,#400000′”);