اهداء من الشاعر عايض الحارثي

بعد فوز قصيدة الشاعر ضاوي العصيمي في مزاين الهيلا 1428 هـعد ماهل الخيال وعد برقٍ من سحابه=ياسلام الله سلام الطيب والمعنى رهاوي

ياسلام الله على الحضار شبان وشيابه=من هجوسٍ ريحها عنبر ومسك وريح جاوي

من هجوس الحارثي سلام ياالهيلا عتابه=يامزبنة الدخيل ويابعيدين الهقاوي

جيت ابارك بالنجاح وكل شي احسب حسابه=وافتخر يوم اتشرف بالقصايد لجل ضاوي

الصحيب اللي كما ضاوي يعد من القرابه=نعم والله بالخوي والرجل يعرف من يخاوي

العصيمي في المواقف كل رجالٍ يهابه=بالعلوم الغانمه والا القصايد والدعاوي

وهاض بالي يوم شفت فعول والله ماتجابه=شي مابعده ولاقبله يجي شيٍ يساوي

زان اللي بدع القصيد وقمت افصّل في ثيابه=وانتقي شرد البيوت اللي كما البلسم تداوي

واخذ اعذب مايقال ومايصدّر فالكتابه=وانقده نقد الجواهر في يد الرجل الغناوي

عاشت الهيلا على العليا رياجيل المهابه=من يجاريهم في الامجاد والله غير قاوي

رية البيضا لهم تنشر سلاطين الحرابه=الجبال اللي تذري من شكى كثر البلاوي

يفخر التاريخ بالهيلا وهم مفتاح بابه=مثل مايشهد به الماضي من فعول العطاوي

والمدوح تزين في قوم المهابه والصلابه=يوم تفريق الجموع ويوم ترديد الحداوي

شاعر ومن حقي امدح عزوتي درعي شبابه=وافتخر بخوالي العتبان في وقت العزاوي

محتمين حدودهم وقت المنازع والطلابه=يردعون العايل اللي ساقته بعض المناوي

لين جا من وحد الشمل وكتاب الله مشابه=الامام الحاكم العادل بدستورٍ سماوي

طبق احكام الشريعه فالوطن واحيا ترابه=واخمد الفتنه وطفى نارها وامن جلاوي

ثم جا عهد الكريم اللي مميل فالعصابه=ذاك ابو متعب عريب الساس من حرٍ نداوي

ودامت افراح الوطن والسيف عزه من نصابه=والسلام ختام والفرحه كبيره لجل ضاويdoPoem(“font=’Simplified Arabic,5,#000000,bold,normal’ bkcolor=’#E0EDF0′ bkimage=” border=’groove,6,#400000′ shadow=’1′ type=2 line=0 align=center use=ex num=’0,#400000′”);