في حفل تكريم الشاعر ضاوي العصيمي بعد فوز قصيدته بمزاين الهيلا عام 1428هـيامرحبا ترحيبتٍ من قلب صافي ومعمور=معمور بالفرحه ومن داعي سروره لادعاه
يامرحبا بالضيف والجيران والربع الحضور=والعزوه اللي فالمواقف ماتزعزعها الرماه
ويامرحبا بالشاعر اللي مايبا مدح مخبور=عبد طريقه مع جبال طويق وجبال السراه
لن راح عني مؤمن انه عايمٍ سبع البحور=وان عاد ابا اسلّم على راسه وابا اقبل يداه
كنت اتحرى عنه وانشد في قديمات العصور=واليوم داري وين منزلته ووينه مستواه
اليا قصد فواح شعره مثل فواح العطور=يلقى به العطشان للموروث مايقطع ضماه
يدخل معانيه الجزيله بين طيات السطور=ماهوب سطحيا لياجا الموج غطاه وطماه
واليا تعلى الرجم تنكف السباع مع النمور=واللجنه اللي شكلوها مالقت شيٍ علاه
وان جيت في شخصه ترى ماني بمداحٍ جهور=وماعندي الاماذكر مابين ربعه وزملاه
طيبه وادب واخلاق مع حكمه ولاعنده غرور=واطيب من اللي قلت كله كاسب أرضا والداه
doPoem(“font=’Simplified Arabic,6,#000000,normal,normal’ bkcolor=’#F5F5E1′ bkimage=” border=’ridge,9,#400000′ shadow=’1′ type=2 line=0 align=center use=ex num=’0,#400000′”);مصلح بن عايض العصيمي