اهداء من سالم بن وحير المري

السلام عليكم ورحمة الله وبركاتــه:
اسعدالله مساكم وطابت اوقاتكم . هذه قصيدة
رد ثنــا وكما يقال لاجزاء الأحسان الا الأحسان .
القصيدة قلتها في الشاعر المعروف / ضاوي العصيمي
وابن عمّه العقيد/ سلطان بن سعد العصيمي . وهي لها مناسبه
والمعروف أكبر من القصيد .
سالم محمد ابن وحير
—————————————-يامعلّق آمال(ن) قطعها اشهب اللاّل= واصبحت مالك فالثقيل احتمالي

لاضاق صدرك من قسا بعض الاحوال=والاّ صدوف ظروف سود الليالي

تلقا من الاجواد من يشرح البال=الله لايقطع للاجواد تالي

الطيب ( ياضاوي ) له ازحول وارجال=يامقدم ازحوله على كل حالي

ترفع لك البيضا على راس ماطال=يبقا مقامك في شموخ المعالي

شهم وحشيم ولك مكانه ومنزال=طول الدهر تبقا عزيزاً وغالي

ترابط . الخوّه على مرّ الاجيال=بين النشاما يعتبر راس مالي

جيتك وطاب الكيف والحال والفال=من طيب راسك والهقاوي اجزالي

لو من لبس له ثوب وشماغ وعقال=يزها الشعر راحت اجزاله اهزالي

لكن ترا نظم القوافي والامثال=تصرف مثل صرف الذهب والريالي

ياصاحبي دنيا لها الوان واشكال=خضنا التجارب بين مرّأً وحالي

لاجيت من بيته مقراً ومدهال=ينصاه الاقصا والرفيق الموالي

سلم على طير السعد ذرب الافعال=سلطان نقال الحمول الثقالي

ينقل احمول اجمال ويخفف اثقال=يعرف الى جا للعصيمي مجالي

العود والبن المهيّل بفنجال=تستاهله يمنى كريم السبالي

رجل المكارم للصعيبات حلاّل=لاقام حلّ معقدات الحبالي

يامكبر المعروف والحق ينقال=مال الصقور الاّ رفيع الجبالي

ون شفت في عرض السماء برق وخيال=بعدالله الوالي عليه اتكالي

رد الثنا دينً على كلّ رجّال=والشعر مايوفي حقوق الرجاليdoPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=” border=’solid,5,#400000′ shadow=’1′ type=0 line=0 align=center use=ex num=’0,#400000′”);
وسلاتكم