بالنيابه

ياقبلة الله يوم فلة جعدها=يشدي لثعلٍ منتثر من سحابه

غطا الكتوف ولحف اللي بعدها=ردفٍ رقيق الثوب الازرق رقابه

وعن صدرها قامت ترده بيدها=لو مايهاب من الذراع التوابه

ظلماً توهاج المحيا فردها=بدرٍ شقر ستر الظلام وسرابه

والعين عين اللي سريعٍ هددها=شيهانةٍ تنهب عشاها نهابه

في ظل رمشٍ سجدته لاسجدها=طرّح على الجفن المورد رقابه

وشفايف لافرّزت عن بردها=يعض سابرها شفاته بنابه

بيضٍ يوايق من وراها شهدها=جايد بجوده مستحقٍ شرابه

والعنق عنق اللي تعّرض وحدها=في خايعٍ محدٍ وطاه ومشابه

والوسط عودٍ ناحلٍ من جسدها=منتول من ثقلٍ مضايق ثيابه

من حوضها الراهي يتله نهدها=الزامي اللي فيه لين وصلابه

ياليتها ماكان جت في وعدها=ماكان صاب القلب منها صوابه

بغيت احييها وامجد رغدها=وضاع الكلام ازريت لاقول جابه

قالت ورى حالتك مقفي سعدها=اهدى وحضر للسؤال الاجابه

بلاك خايف؟ قلت وامر وادها=الموت قابل لي وعقل ركابه

قالت عسى عين الحسود لرمدها=عندي قرايه مع شوية طبابه

وقرت بكلماتٍ مجود عددها=ويدها على راسي سوات العصابه

ورفعت عيني للذراع وهجدها=وازريت لاغظي بالنظر عن شبابه

وطرت لي الحبه وجلت لي جهدها=وذكرت سلم اهل الشّيم والمهابه

وعن حبة الساعد منعني نقدها=وحبيت ، كفي ، دونها بالنيابه !!!doPoem(“font=’Arial,5,#000000,bold,normal’ bkcolor=’#FFFFFF’ bkimage=’images/backgrounds/5.gif’ border=’solid,5,#B5B53D’ shadow=’1′ type=0 line=0 align=center use=ex num=’0,#400000′”);