برقيه

اثناء تجوله في البر شاهد شاعرنا مشهد ولفت نظره فقال طلعت للبر ياعزوز=اوسع البال عصريه

لقيت خيمه سفاها القوز=بيدين رفلان مبنيه

اصحابها وضعهم مهزوز=شلة شبابٍ عماويه

جميعهم لابسين جنوز=وبالروس قصات غربيه

اطيبهم اللي كما المنحوز=في حال ماهي طبيعيه

يكح ومعسله مركوز=ومقرطٍ في طرف ليه

وقدمه صحن فيه حب ولوز=بالفصفص تقرقع لحيه

غداهم التست والمالتوز=وعلبة حلاوه طحينيه

والدش قدامهم مرزوز=وطبول والآت فنيه

وشبوطٍ اشهب قصيّر بوز=ماللقرم فيه ماريه

سلمت ثم همهموا بلغوز=ماوحيت ترحيب وتحيه

قلت العوايد ذهب وكنوز=وين السلوم الخليجيه؟

قالوا لي ابليز منها جوز=بلى عوايد بدائيه

خلك شبابي ومعنا فوز=برحلات برٍ حضاريه

ومن القهر طق فيّ فيوز=وبغيت اسل القديميه

قلت ايه.. اجل خبزكم مخبوز=والبر يبغى شقرديه

يبي الذي يبعدون النوز=ودايم وهم نارهم حيه

فيها الغضى بالحزم مكزوز=ودلالهم حيد مركيه

ومعهم حرارا ترد الحوز=شقرٍ تسمى نداويه

ماسامروا مثلكم فيروز=على القناة الفضائيه

قالوا كلامك هذا مايجوز=وين الصفات الرياضيه

البر ماهو لحد محجوز=لاتكثر الهرج موليه

وش فيك كنك لنا مدزوز=واظنها نيتك نيه

تروزنا ماحصل لك روز=ننصحك تمشي من هنيه

قلت ابك مايذبح العكوز=ياهل الشبوح الدناويه

ومشيت والقلب فيه حزوز=وفى الكبد كيه على كيه

الى متى وضعنا مهزوز=ونقلد الغرب في غيه

للمرجله ياشباب رموز=جاكم من العلم برقيهdoPoem(“font=’Simplified Arabic,5,#000000,bold,normal’ bkcolor=’#ECF7EE’ bkimage=” border=’inset,4,#400000′ shadow=’1′ type=0 line=0 align=center use=ex num=’0,#400000′”);