بقايا حلم!!

في غربتي عايش وحيد وهاجس الذكرى لهب=اهج لكفوفه من خيوط الظلام الموحشه

يصهر صخور الفكر لين تذوب ويسيح الذهب=وارتبه على جبين الطرس الابيض وانقشه

لا ثم لا ماني بمن يكتب على حسب الطلب=جوهر قصيدي من مناجم صادق الوجد انبشه

تشبني ذكرى عزيز وصافي حروفي حطب=يطفيء بلمعتها اللهب غيظه وجوعه وعطشه

حظي كذا طليت في وجه المرايه وانشطب=يشهد عليّ الله برئ ولاتعمدت اخدشه

هذي بقايا الحلم مجموعة رمادٍ في مهب=فى ارضٍ عراء يلتف وسنون الهبايب تنهشه

يادانةٍ من سلة الصياد اخذها من وهب=فجآه من احضانه سرقها قبل رمشه يرمشه

ضاعت وضاعت بسمته بعد المشقه والتعب=واحتلت الحسره منازل ضحكته والفرفشه

وفاضت مجاهيم الدموع وشقت سياج الهدب=ومات الفرح باول صباه وشاحب الوجه نعشه

غير الصبر وش في يده هذا نصيبه وانكتب=يعيش بين النار وخيوط الظلام الموحشه doPoem(“font=’Simplified Arabic,6,#000000,normal,normal’ bkcolor=’#F0E8C7′ bkimage=” border=’ridge,8,#400000′ shadow=’1′ type=2 line=0 align=center use=ex num=’0,#400000′”);