تمرة العزززز

عابر سبيل يصارع الرمضا وكثبان الضما=ينحت على غرة صحارى الشمس بصمات بدوي

مخدته حفنة ثرى فرشه ثرى ظله سما=صامد على لفح السموم ودرعه العزم القوي

على الشدايد عاش فالصحراء من الصحراء نما=يروي عطشها بالعناد ومن جفاها يرتوي

التضحيه والصبر ميراثه من اجداد عظما=امجادهم يشمها عنبر ويسمعها دوي

يتبع اثر من عطروها بالنفوس وبالدما=يكمل مسيرتهم ويطوي صفحة البيدا طوي

يجاهد سيوف النهار يسامر الليل العما=يناجي القمرا ونجم الجدي فالمسرا خوي

عن سطوة الجوع المخيف بتمرة العز احتما=ماينتظر حتى رغيف البر الاسمر يستوي

كله شجاعه في كفوف الموت بـ كيانه رما=مؤمن بما يقضى القدر قابض على النهج السوي

عدو ذل النفس للامجاد والعز أنتما=ونحت على غرة صحارى الشمس بصمات بدويdoPoem(“font=’Arial,6,#000000,bold,normal’ bkcolor=’#FFFFFF’ bkimage=’images/backgrounds/5.gif’ border=’double,4,#400000′ shadow=’1′ type=2 line=0 align=center use=ex num=’0,#400000′”);