جلسة الكورنيش

الا يالعواذل لاتقولون ليش وليش=على الشاطي الجيه علينا تشح ابها

انا ماتوسع خاطري جلسة الكورنيش=ولوكان ماهي عيب مير اتعايبها

لها من عشقها واهتواها وانا ماعيش=يكود بجراهيدٍ تذعذع هبايبها

يشاغبني البراق لاناض لي واطيش=ولوهو بعيد النفس من شانه اتعبها

مجهز له اللي كن سلفه ليامن نيش=غناوي طيور طلة الفجر تطربها

ومعي من هل الطاله ثلاثه وصافى الريش=وكلٍ شماغه فوق راسه معصبها

نتله مع الغبشه ليا صفر الدرويش=نبي دارٍ الكشات ماقط داج أبها

خليّه بقايا نبتها العام غاديٍ حيش=وقيعانها الباذر طلوعه تشطبها

ليا شفتها تضرب على غيرها تطنيش=وتنسيك صالات البنوك ومكاسبها

غرامي وافتش عن هوا خاطري تفتيش=امتع بها عينٍ زماني مشيبها

واودع همومٍ عششت فى الحشا تعشيش=وكبت المنازل هقوتي انه مسببها
doPoem(“font=’Arial,6,#000000,bold,normal’ bkcolor=’#B8E9B1′ bkimage=” border=’double,5,#400000′ shadow=’1′ type=2 line=0 align=center use=ex num=’0,#400000′”);
ضاوي العصيمي