حصاااار الدروب

عشرٍ وعشر وعشر واحلامي ونزوات الشباب=وحلو الاماني والطفوله وانشراحي وسعدي

وشدادي وخرجي وفنجالي ومنقوش النصاب=تغتالها ايامي وتسلبها نهابه من يدي

وابقى وحيدٍ بالعرا اشحذ زيف لمعات السراب=كلي عشم في حظ ينصفني من الحظ الردي

يروى جبيني شمس والاقدام يكويها التراب=وتسطو على جسمي مخاليب السموم وتعتدي

وترعى بي الحيره وينهش نابها الفكر المصاب=وديمومة الهم الكثيفه بين عيني والجدي

حاولت اكابر واتعزز وانكسر ظني وخاب=واحترت في دنياي مدري كيف اعود وابتدي

كل الدروب محاصره بالشوك واصوات الذياب=ودسايس المجهول واشباح الظلام السرمدي

يكفي الم ياسيدي لا ما احتمل يكفي عتاب=تكفي جروحٍ غائره مابين روحي واجسدي

اشبع عذاب اروى عذاب وهم واتنفس عذاب=وان ضاقت الدنيا عليّ القى سعه في مسجدي

هاذي حياتي كل ما اقفل باب فك الهم باب=في كل ليل مع الهموم السود اجدد موعدي

حبر القلم خط الشقا ومقدمة راسي كتاب=وخط النهايه يوم دفني والبدايه مولديdoPoem(“font=’Arial,4,#000000,bold,normal’ bkcolor=’#FFFFFF’ bkimage=” border=’inset,6,#400000′ shadow=’1′ type=2 line=0 align=center use=ex num=’0,#400000′”);