دار الكرم

كانت صحاري للمنايا والغدر والفقر باب=ضما وجوع وخوف دايم حاصرت سكانها

كانت منازل رعب تسكنها الافاعي والذياب=كانت سفوح جبالها تخشى غدر وديانها

كان الجهل فيها مقيمٍ بالسهول وبالهضاب=كان التشرد والضياع يجوب كل اركانها

صحراء غزو صحرا عدو صحراء متاهات وسراب=صحراء مآسي والضغاين والفتن فرسانها

صحراء مهالك في وساع فجوجها معنى العذاب=للابرياء كانت تدس الموت وسط أحضانها

لازرعها يكفي ولا يلقى بها الضامي شراب=تلفح سمايمها وجوه عيالها وابدانها

كانت تصيح وتعتزي تنخا مذللة الصعاب=تطمح بفارس يطفي الفتنه يزيل أضغانها

سمع الندا عبدالعزيز ولاتوخر بالجواب=اغاثها يوم استغاثت واندحر شيطانها

ماكان يدفعه الطمع نهار ساق الها الركاب=همه وقصده كلمة التوحيد يرفع شانها

واسس بلادٍ تستمد الحكم من نص الكتاب=وسنة رسوله والله اكرمها بصدق إيمانها

بملوك عدلٍ من تذرى في ذراهم مايهاب=حتى تنام عيوننا تسهر عيون أعيانها

والامن ساد وكثرت الخيرات وانزاح الضباب=وزالت دموع افراح الام جروح دمع احزانها

يادارنا دار الشيّم لعل يسقيك السحاب=من مزنة يسمر سناء البراق في ربانها

وسمية تروي دماث الارض وتسيل الشعاب=من غبها تلعب طيور الماء على غدرانها

تستاهلين الخير يادار الكرم ياطهر تراب=دار الرساله والشهامه والكرم عنوانها

دارٍ وهبها الله شباب اخير من خير الشباب=ونخبة رجالٍ ترخص الغالي من اجل اوطانها

وصارت رياضٍ للمحبه والوفاء والعلم باب=امن ورخا وارزاقها تنعم بها سكانها
doPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=” border=’groove,4,#400000′ shadow=’1′ type=1 line=0 align=center use=ex num=’0,#400000′”);