دوب زان القاف دوب

قيلت بمناسبة الحفل الذي اقامه حمدان بن عوده العصيمي للشيوخ العقايله بالمنطقة الشرقيةعداد همال المزون وعد ما هبت هبوب = يا مرحبا ترحيبً تبطي تناقلها العرب

باللي لفونا من شمال وغرب واللي من جنوب = في حلةٍ من زارها يقلط على هيل وشبب

يقولها حمدان بن عوده وانا بالشعر انوب = من دون بن عمي وهو دوني ليا جاله طلب

لا والله الا دوب زان القاف يا عراف دوب = صبولي من البن واصب المعاني من ذهب

السوق غالي والفروق تبين في عرض الجلوب = واللي يطب السوق يعرف مستواه بما جلب

وانا اتعامل بالذهب واللي سواتي ما يحوب = خص ليا شفت الشيوخ اهل المناصب والرتب

ماني بشاعر كان ماسطر من الامثال عوب = واشغل عقول الناس مير اما رضى ولا غصب

وانا ادري ان القول لا قلته مقدر ومحسوب = ومن لا يقدر كلمتي ماهوب بخص في الادب

حيثني اخاطب عقول الناس بالقول العجوب = واتعب على المكنوز والمكنوز يبي له تعب

كم واحد يبي الجماله لكن الفكر معطوب = تسري به احلامه وياكل في الطريق مية مطب

وانا اتجمل بالجميل اللي سليم من العيوب = واجمل الماقف ومن لا جمله فعله رسب

واليا مدحت امدح كريم الكف نطاح النبوب = ما سوق مدحي في الدويني راعي الكف العضب

ومدح بلا برهان كومة ثلج لو تكبر تذوب = تمرها شمس النهار وتنتهي بهون سبب

لن كان ما يدعم بفعل يلجم السان السبوب = ولا يجر النقد للمعني ومن قال وكتب

والثانية يا هيه يا حذافتي من كل صوب = يا مروجين الحكي وين اثباتكم يال العجب

انا حضرت برغبتي ماني بمجبر ومغصوب = اقوم بالواجب ومن قصر تغشاه العتب

وامشي الدروب البينه ماتوع مع بعض الدروب = وامدح هل الطالات واهل المجد والسيف الحدب

العزوه اللي لاحتمى الماقف يجرون الهيوب = مخلين سرج الخيل من عدوانهم يوم النشب

على الجياد الصافنات اللي يخضن الحروب = في ساعةٍ تنشف بها الارياق ويشد العصب

عقايله يوم المغازي والمداحم بالجنوب = من جا نحاهم ما كسب لا والله الا ما كسب

مخضبت حدب السيوف ان شبت الهيجا شبوب = نطل الجماجم من سواعدهم مثل نطل الخشب

وموردة لظيا اليا ضميت معاليق القلوب = من صابته لن ما قضى حتفه يطاوله العطب

عدوهم يمسي بعد عزه ذليل ومغلوب = وصديقهم يلبس ثياب العز وبشوت القصب

شيوخ في الماضي وفي الحاضر وفي كل الوجوب = يقولها اللي ما هضم للغير حق ولا كذب

ذعار لو لبسته من المدح ثوب فوق ثوب = يستاهل التمجيد من يبني رفيعات القبب

شهم شجاع جود كفه مثل همال النصوب = حكيم راي رايه اليا عدة الارياء غلب

وخالد ولد عمه عضيده راعي الراي الصيوب = ابو محمد لا نفذ كمه يطيع اله الصعب

سلايل سليمان قوم ما يهابون الخطوب = فيهم يطيع المدح يوم لغيرهم يغصب غصب

وآلاد عاصم كلهم ظفران والحاقد كذوب = ما بيننا من يترك الواجب الا منه وجب

ولا نفترق لو تفترق كل القبائل والشعوب = في حزة الميقاف تجمعنا الحميا والنسب

وحنا جنود بلادنا لن وصلت لنفخ الذروب = في شور ابو متعب نضد الخصم لامنه قرب

ارجالها وحماتها لن شبهت عذرًا كعوب = وان شبهت بالعين حنا دونها جفن وهدب

وختامها عداد ما بانت ومالت للغروب = يا مرحبا ترحيبةٍ تبطي تناقلها العربdoPoem(“font=’Simplified Arabic,6,#000000,normal,normal’ bkcolor=’#C5C5BB’ bkimage=” border=’double,8,#400000′ shadow=’1′ type=2 line=0 align=center use=ex num=’0,#400000′”);