ذوي زيد بن دغيليب

ترحيبيه في حفل زواج حسن بن زيد بن دغيليب العصيمي عداد مطلاع النجوم المراقيب=يامرحبا باللي حضر مرحبابه

يامرحبا بانسابنا والاصاحيب=وجيراننا وربوعنا والقرابه

الضيف اله منا الشحم والتراحيب=والهيل والبن اليماني شرابه

وعودٍ تعطر بعه كرام الاشانيب=ومن يوم يمشي لين يلفي هلابه

اقولها باسمي وباسم المعازيب=في محفلٍ لاهل الوفاء فك بابه

عند الرجال مروضين الاصاعيب=ربعي وربعي فوق راسي عصابه

ليتك تقوم اشوي يابن دغيليب=حتى تعرف انك معقب ذيابه

مت وتركت الهم ثقال المواجيب=والكل منهم في بداية شبابه

وقاموا بها ذربين الايمان والطيب=يبا رجالٍ ماتعرف المهابه

رزوا لهم رايات بين الاجانيب=وفعلٍ تنومس به قبايل عتابه

لعل يفداهم قريب المحاضيب=اللي طريق المرجله ماشقابه

وختامها ماتبدي الشمس وتغيب=صلوا على خير البشر والصحابهdoPoem(“font=’Simplified Arabic,5,#000000,bold,normal’ bkcolor=’#E9F3E8′ bkimage=” border=’groove,8,#400000′ shadow=’1′ type=0 line=0 align=center use=ex num=’0,#400000′”);