زاول هوايتك

زاول هوايتك يالغالي وعذبني=مارس فنونك بتعذيبي وكن رايق

زعلك يافاتن الوجدان يتعبني=صدقني ان العذاب مشاهدك ضايق

واللي يناسبك ياروحي يناسبني=وعدوي الّي يصير لبسمتك عايق

اخذ الفرح والمرح واترك لي الغبني=من شان تفرح تراني للعنا تايق

صمتك شعورٍ يحيرني ويرهبني=ونظراتك الغامضه ماني لها طايق

فيها رموزٍ تفرحني وترعبني=وادري انها باتجاهي ساقها سايق

مدري مكافاة لي والا تعاقبني=اللي عرفته عيونٍ سحرها فايق

تبعدني اشوي واشويه تقربني=مابين نشوة وفيّ ومشنقة بايق

ليتك على قدر ماضحي تحاسبني=وليتك على مايكنه ضامري وايق

وتدري ان لك في فؤادي منزلٍ مبني=لايق بحضرة جنابك وانت به لايق
doPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=’images/backgrounds/11.gif’ border=’solid,4,#400000′ shadow=’1′ type=0 line=0 align=center use=ex num=’0,#400000′”);ضاوي بن عايض