خليني أبحر بين موق العين الازرق والهدب
أن عشت في عينك غني وأن مت في عينك غريق
أنا دخيل الجفن والا الرمش فكاك النشب
والا العيون اللي يحلل دونها دم الشقيق
يامنتها القالات والنخوه وفزعات العرب
الصمت قيعان الضماء والخوف.. والرحمه بريق
يابنت ماجيتك مجرد تسليه والاطرب
جيتك بعد ضاقت عسا رحمتك عني ماتضــيق
العج ثاير والنوايب دمها وصل الركب
تغرق بها الناهات ويصد الرفيق من الرفيق
أشتقت للتحرير من سجن الفضاء باهون سبب
قولي هلابك عيش في عيني لوجه الله عـتـيق
شوفي غريب غاص به جوعه ووافق له شبب
ومن قبل لايقري سلامه رحـب الوجه الطليق
رحب وهلا واكرمه لاكن باقي له طلب
تعطى له الشيخه وتنصب خيمته وسط الفريق
هذا مرام الشوف واطماعه ولن قلتي وجب
معاد يبقى من جروحي لاطفيف ولاعـمـيـق
وأن كان ياكف الرجا شحك على جودك غلب
أوميت لسراب الهموم اللي على قلبي تويق
وش حاجتي في شيلة العنقود لاجف العنب
حتى ولو قالوا على اللي فاقد عقله تليق
لقيت في سوق الحياه البيع باحلام التعب
ابا اشتري وابيع واشبع طق يالراس الحليق
وياراحلة حظي لعلك للهيام وللجرب
اليا بركتيبي وأنا عطشان في نصف الطريق
ضاوي العصيمي