معيض بن محمد اراد ان يمازح الشاعر ضاوي فارسل هذه الابيات
التي التزم في قافية عجز البيت بخمسة احرف
ولكن ابو زياد انتبه للامر ورد والتزم بالخمسة احرف
فقام كلا من الشاعر سلطان بن معيض ومخلد بن محمد بن نوار بالمجاراة واليكم
الابيات وماقال الشعراء
يامودين الخبر يا مراسيل البريد
خبرو عن ليزر القوم يالفايته
مابدعت القاف قصدي تسلي بالقصيد
غير ابا ابحث وش سبب غيبته واقفايته
كان يشكي من ظروف الزمن ماهو وحيد
كل رجلً أخذ من الظروف اكفايته
اشهدانه راس مالي وللرفقة رصيد
في السنين الحاضرة والسنين الفايته
معيض بن محمد
راكب اللي تو ماجا من المصنع جديد
كن شيب التحلية لا ارتهش صفايته
جيب لاند كروز شكله وتصميمه فريد
يوصل اللي جفن عينه ماذاق اغفايته
عذبه قلبً لواهيب نيرانه تزيد
تشتعل ومشاهدة عزوته طفايته
وماني مقفي عن اللي يضدون الضديد
مار حق السن ما أظنكم نفايته
ضاوي العصيمي
هاضني قاف ﻻبن عيد هو وبن مزيد
ابدعو في عسف شرد البيوت الفايته
الرجال اللي على العز ماتنقص تزيد
ﻻختلط نطاحة العلم مع قفايته
الظروف تحول والله يدبر مايريد
ومن تغيب من ظروفه لقى كفايته
والزمان يدور والموت في حبل الوريد
وماتبينه الليالي صعيب اخفايته
سلطان بن معيض
البيوت اللي تغنى كما الشهد الجديد
لاسمعها مجفي صد عن جفايته
يدله ويسلى مع القول والنظم الفريد
نظم شعار عطوا للجمال وفايته
ليزر الهيلا وسلطان ومعيض ابن عيد
كل شاعر طوع القاف واخذ شفايته
قلت أجاري واتمثل ولا ضني بزيد
وارسم ابياتي بقاف بنوه بفايته
مخلد بن محمد