عبيّد بن قنيفذ

ياحروف الشعر وجداد القوافي=لايجيني منك ياكود الفريده

ودي امدح لي عصيميٍ سنافي=والسنافي مانمد اله الزهيده

الوفاء يلقاه منا كل وافي=عادةٍ لجدودنا ماهي جديده

والشعر فى الطيب يصيبه شعافي=يتهادف قبل ادوّر له واصيده

وفي عبّيد كل ماغنيت قافي=يشرهب البال وتزين القصيده

شام لبن قنيفذ المدح متقافي=شام له على خصايله الحميده

الكريم اللي مربه فالشرافي=مارقابه منصبه والا رصيده

قدمه فعله ليا اختف الخفافي=وارتكى لظروف دنياه العنيده

وقدموه اهل النضا واهل الرهافي=عزوة الهيلا هل الاريا السديده

وفاز بالتقدير والبيّن يشافي=فى المزاين قام بجهودٍ جهيده

ياعساه بخير دايم ومتعافي=ويالعله ذخر وايامه مديده

راعي البوش المغاتير السهافي=التلاد اللي مزاياها عديده

الغوارب مارقه واللون صافي=واليد اليمنى عن اليسرى بعيده

وسيف لحي ومشربٍ وافي وضافي=وفى الرقاب الجرد قول اللي تريده

وفوق زين دلولها زود الولافي=تاصل الراعي على طقة لبيده

ودايم فطنه لو الدنيا عوافي=والجمل عليان كنه في وعيده

ماجعل من دونه كبار الدرافي=مطلقه واهل الضرايب مستفيده

له يجون افواج زافٍ سد زافي=فى المجي والروحه الخطر سعيده

ويرفعون كفوفهم بين وخافي=للكريم اللي خبيرٍ في عبيده

يطلبون الله من قلوبٍ نظافي=يحفظ عبيد ومن فضله يزيدهdoPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=” border=’ridge,4,#400000′ shadow=’1′ type=0 line=0 align=center use=ex num=’0,#400000′”);