عزة النفس

يامنتظرني لين اقول ارجوك أبا وأبا وأبا=يصـعـب عليّه نثر دم الوجـه والحاجه مصير

أن كان من نظرات عيني ماعرفت اللي غـبا=سقت الركايب والضماء يشوي مراهيف الضمير

الموت في دارٍ خـلـيه ماوطتها الا الظبا=اخير من مـوت الكرامه في نظر عينٍ قـصـير

ماقول تكفا..لو تواشي همي انسام الصبا=اجيك مـقـداري كبير ولن رحـلت أرحل كبير

ترفعني الشيمه وعز النفس والذل يهـبا=أنسى أني احني هامتي واعيش في عينك صغير

يغنيني الله عن ذهب كسرى وعرشك ياسبا=وش زين مجلاسي تحت سقف السعف فوق الحصير

أحسب فصولك يالسنه زرقا وغبرا وشهبا=ومجـهم ولال العبد عن ماقـدره ربـه مـطير

كم من كريم شح دنيانا على كفه حبا=وكم من لبس فيها السمول الباليه عقب الحرير

ولاينصف الفلاح فى اللي بدده طيش الدبا=من الحـلوم الايلوذ برحـمـةالرب البصـير

يامنتظر لين اسالك جيتك وفي عيني نبا=اقرأ عيوني ياخر الهقوه تشوف ابها الكثير

وأن ماعرفت القصد أعود بعزتي ماقول أبا=وأبقى غني النفس وانت اللي من احساسك فقير
doPoem(“font=’Simplified Arabic,6,#000000,bold,normal’ bkcolor=’#FFFFFF’ bkimage=’images/backgrounds/42.gif’ border=’ridge,6,#400000′ shadow=’1′ type=2 line=0 align=center use=ex num=’0,#400000′”);