عشق خاص

غرامي سجةٍ بالدبدبه هي وابرق الكبريت=بعد ماعلها من حاملات الغيث وداني

وحولهارياضٍ خضر تسحر وين مالديت=تنورها الزهور اللي تعلت روس الاغصاني

حياتي وانشراحي فيضةٍ في رجمها عديت=وشربت المنظر الفتان باحساسي ووجداني

ليا هب النسيم وغرّد القمري معه غنيت=وفكيت العنان لناظري ولعذب الالحاني

الا ياليت لي فيهامقرٍثابتٍ ياليت=لقيت ابها سياجٍ نايفٍ من دون الاحزاني

وترى عشق البراري للرجال اهل النقا والصيت=رجاجيل الشهامه والوفاء ذربين الايماني

على سمن وسمين وطيبٍ من كل ماحبيت=وعود ازرق وبن وهيلٍ اخضر زاد رسلاني

وسواليف(ن) ثمينه والقصيد يجر بيتٍ بيت=الامنك سمعت البيت الاول تطلب الثاني

هذا هو كيفنا يامبدل(ن) كيف الرجال اخطيت=ولوتزعل عليه ليه اطيعك وانت غلطاني

انا لاشفت مايرخص مقامي واكرهه صديت=اللي فكرٍ يقديني واشوف الدرب باعياني

واللي مبدا واللي شيمه وطبعاًغير ماظنيت=واحارب كل سلم(ن) مايوافق سلم جداني doPoem(“font=’Simplified Arabic,6,#000000,bold,normal’ bkcolor=’#F5E8F4′ bkimage=” border=’solid,8,#058D14′ shadow=’1′ type=2 line=0 align=center use=ex num=’0,#400000′”);