عيد القلوب

ياقصيدي كل ماحلت مناسبةٍ ســـعـــيـــده=قــمت تومي لي وانا قمت اتبين لك وانـادي

النوادر من تعابيرك ولاحب الـــزهــيــده=الـــزهـيـده لـــوتجيني زابنه هـجيت غـادي

يوم بعض الناس همه بس يكتب له قصيده=هـمـي اكتب لي كلامٍ يوم اقوله غير عـادي

خص في عيد القلوب الله على الامه يعيده=دامـت افـــراح القلوب وعاد عيدك يابلادي

يـــابـــــلاد المجد يادار الحضارات التليده=وموطن الطالات وعلوم الشهامه والمبادي

امنه والفضل لله ثم حكومتنا الـــرشـــيــده=يشهد المنصف لها بالعدل والدور الريادي

وانت ياللي تدعي بالعلم وافكارك بــلـيـده=مـــادريـنـا عــــن قناتك يالسفيه ام الدوادي

من توحى في علومك قال وش هذا الوليده=مادرى انك يابرق الجنحان ذابحك الشرادي

تخدع الجهال والغران تحت اسـم العقيده=وانت لاجت للحقيقه حــادرٍ لك بطن وادي

ابك حنا أهل الــعــقــيده والمواثيق الجويده=وســــنة محمد شفيع الخلق في يوم التنادي

مـــــن قــديـــم ايامنا نوفي ونظرتنا بعيده=وندمح الزلات لو هي كثر عمدان الجرادي

وننصح المخطي عسى يرجع وعقله يستعيده=الرجوع من الخطا لاشك اخير من التمادي

ومن تمادى في الخطا نجي له اقرب من وريده=ازهـمـيــنا وابشري يادر برجال وعتادي

ســــيفنا قطاع لاحتكت حديده مع حـــــديـــده=وان ضرب ضربه يقص الروس ويفج الثنادي

وصفنا واحد ولطم الخصم في خشمه نجيده=لن بــغــيــنــاهــــا صباح ولن بغيناها هجادي

من صـــنــاديــد الشمال اليا ورى يام وعبيده=ومن خليج العز للبحر الحمر حضر وبوادي

اجتمعنا مع مـعـزي من بــدايـــد في بــديــده=اسمها ال سعود والحكام خطلان الاياديdoPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=’images/backgrounds/16.gif’ border=’ridge,4,#400000′ shadow=’1′ type=0 line=0 align=center use=ex num=’0,#400000′”);