في ابل (سالم بن رويشد)

يوم جوك البدو للظفره وفود=سالم بن رويشد بذوده لفا

نايفات الطول والالوان سود=مثل ضلعان الهدا والا الشفا

يوم جت قاموا لها كل القعود=ورحب الجمهور فيها واحتفا

الاذاني كنها حراب الجنود=والنحور تقول بيبان شرفا

والرقاب طوال منتله وقود=عارياتٍ كن لاحقها جفا

وطافحات لحيهنه والخدود=من ورى الشبرين زادت بالوفا

وكن رثم خشومها مقطع فنود=والسبال اللي يميزها الضفا

والغوارب من ورى الحروه تزود=مارقاتٍ سند للغيم حلفا

والظهور الفاهقه مثل النفود=وسدو جنبٍ رق زينه ماخفا

من نطحها شاف مرقاها سنود=وفجح هزع اليا قفاها من قفا

ماملكها الا عريبين الجدود=وكل ظفرٍ رمش عينه ماغفا

يعتزي لاطق عودٍ راس عود=وان تقدم فى المواقف ماهفا

مثل ابو راشد لعله فى الوجود=نادرٍ لاقام فى اللازم كفا

وعاشوا اخوانه عدد ماهب نود=وكل قرمٍ بالمجاهيم احتفا

فالك الناموس يانسل الفهود=والتحيه فى البيان وفى الخفاdoPoem(“font=’Simplified Arabic,5,#000000,bold,normal’ bkcolor=’#DEF0ED’ bkimage=” border=’inset,4,#400000′ shadow=’1′ type=0 line=0 align=center use=ex num=’0,#400000′”);