قصيدة بمناسبة تكريم شاعر الملك د حمد العصيميياوجهة الطلاب يالله يالله=نرفع لك الايدي طمع في الاجابه
تحفظ وطنا اللي حضنا وتحماه=من الكوارث والفتن والحرابه
وتحفظ ملكنا العادل اللي رضيناه=وتطول بعمره وتجزل ثوابه
عبدالله اللي يبتهل لاقصدناه=بينه وبين الشعب ماصك بابه
كفه يصافحنا ويضحك محياه=ويسمع من الشاكي علامه ومابه
عون الفقير اللي زمانه توطاه=جوده ينسيه الفقر والكآبه
فى قلوبنا ساكن وقلبه سكناه=حب ابو متعب كل عرق ٍ جرابه
الشعب وافي والملك لاعدمناه=راحة يدينه بالعطايا سحابه
شهمٍ حكيم طيبات سجاياه=دين كريم النفس لين جنابه
حليم متواضع سليمه نواياه=واليا زعل روس الاعادي تهابه
هامة شواهيق المزايا مزاياه=لو جيت اعددها تطول الكتابه
يزين شعري لامدحته بطرياه=سما بشعري للمعالي سمابه
يالله تديم النا ملكنا وترعاه=اللي وطنا طوره واعتنابه
وتحفظ ولي العهد وتسدد خطاه=وتوفقه في كل دربٍ مشابه
وحنا ولانا للقياده عطيناه=سيفٍ رهيف في يديهم نصابه
والثانيه مني بيوتٍ منقاه=لغلا وطن واعز عزوه ولابه
وللشاعر اللي كل كايد تحداه=سيفه قصيدٍ جرّده للمجابه
سيف مذهب يوم سله من خباه=سر العيون ونومس اللي غزابه
واللي غزابه مارتعد زند يمناه=دكتور طب وشاعر يكتفابه
جاب اللقب والشعر للعاهل اهداه=(شاعر ملك).كساب الامداح جابه
هذا الشرف هذا التفوق ومعناه=هذا الطموح اللي بناه ورقابه
هذا حمد ذخر الرجال المسماه=اهل الشعر والعرف واهل الذرابه
منهم قطامين خصومه تحاشاه=استاذنا مستور شاعر شبابه
وحمد جعل حكمة زمانه ومبداه=ان لم تكن ذئبا كلتك الذيابه
عاداتنا نكسب رهان الملاقاه=فزنا بالاول في مزاين عتابه
واليوم فوزٍ جدد الفوز واحياه=فرحتبه يوم العصيمي لفابه
انا التفوق للرفيق اتمناه=واحط فوزه فوق راسي عصابه
وربعي هل الطالات يوم المماراه=لامن كل قام يشعب ركابه
لن كانها بالعرف عراف ودهاه=وان طق طبل الهيه اسود غابه
طروق قطمان المحازم مخلاه=ركن من العتبان يحسب حسابه
شيوخنا رمز الوفاء والموالاه=للقاده اللي شورهم يقتدابه
سمو علواتٍ في نهار المثاراه=عدوهم لن عاش ينقل صوابه
افعالهم ساس الفخر والمباهاه=وماسطر التاريخ كل درابه
لاغاب نجم بان نجم حلاياه=مكان سلطان الهنيدي بدابه
شيخ حكيم في قراره وفى ارياه=شورك يابو خالد هلابه هلابه
وابو فهد مانع دعانا وجيناه=للمحفل اللي لم كل القرابه
يابو سعد ماعاد فيها مراواه=يافرحة اللي فى اللزوم اعتزابه
انهض جديدٍ يطرب البال ممشاه=مثلك ومثلي ينتقد في غيابه
ويالله لعل افراحنا دوم يالله=وتحفظ لنا القايد وتجزل ثوابه
شعر=ضاوي بن عايض العصيمي
doPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=’images/backgrounds/8.gif’ border=’groove,7,#400000′ shadow=’1′ type=0 line=0 align=center use=ex num=’0,#400000′”);