في حنيف الذيابي

كتبت بتاريخ 9 / 10 / 1432هـ في العزيز حنيف بن لفا الذيابي حان الوعد ياحنيف شوق العيطوس=سوق المغاتير الغوالي سوقها

مثل بني عمك عزيزين النفوس=عتيبه اللي ماتضيع حقوقها

في مزاين البل يوم روس تطق روس=والفوز للي طيبات عموقها

اكبود عشاق ابلك الندّر يبوس=متع جماهيرٍ رفيعٍ ذوقها

يازينها لاداست الميدان دوس=تنشب هروج اهل الحسد فـ حلوقها

في ولفها وطبوعها تعطي دروس=وتعيّف اصحاب النظر في نوقها

اليا اقبلت قاموا لها كل الجلوس=وقاموا يحذفون العمايم فوقها

وان شافها راع الولع هان الفلوس=ونفذ عن الذرعان واغلى سوقها

تفوق وصف المبدعين اهل الطقوس=وضحٍ مخلاتٍ صحيح طروقها

وضحٍ يشادي لونها انوار الكبوس=والا برد ندراً تلوح بروقها

والا مثل عقدٍ على صدر العروس=ضوحه خطف منها نظر معشوقها

رثم الخشوم وعالي العرنون قوس=وكن المهادل من مشق شدوقها

لدن الغصون اللي تميل من الغروس=يومي سبلها من ليان رنوقها

ادناهن اللي تودع القلب محموس=سنداً شناحٍ ناسعٍ سمحوقها

عن متنها تقصر يدين اللي يقوس=لو يرفع الكعبين صعب يفوقها

وجرد الرقاب القود مافيها هسوس=هاذيك عن هاذي قليل فروقها

وظهورها متفهقه مثل الطعوس=على حقبها سامكٍ شاهوقها

فيها انتباه وفطنة الذيب الفروس=ومن الضبا الخفه وزين رموقها

يوم الزمان الشين والوقت الضروس=بعض العرب عنها العزوم تعوقها

ماتوجد الا عند شيخانٍ تروس=اهل رماحٍ ماتخاط فتوقها

كم ديرةٍ تهاب تاصلها العسوس=ترعى تحت هيباتهم زملوقها=

واليوم يحدا الناس عنها حد موس=الا انت ياشيخ المراجل شوقها

ياحنيف عون اللي شكى الوقت العبوس=وعوق السمين انا اشهد انك عوقها

تملك تلادٍ كنها انوار الكبوس=والابرد ندراً تلوح بروقها

اتنومس الهيلا عزيزين النفوس=العزوه اللي ماتضيع حقوقهاdoPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=” border=’none,4,#400000′ shadow=’1′ type=0 line=0 align=center use=ex num=’0,#400000′”);