قالو لي ادرس

كتبت في مرحلة ثاني ثانوي وهي من البداياتقالوا لي ادرس لجل تنجح وتجتاز=الامتحان وتستلم لك شهاده

اللي يكلمني بصدات والغاز=واللي يقول ان الرسوب الك عاده

لاوالله الا خاطري بعدهم جاز=من الكري وحرمت نوم الوساده

الناس في سمرة سوالف ومركاز=وانا سمير الليل اراقب سواده

انا منول للفرص كنت نهاز=لكن خان الحظ حظ القراده

واصبحت كني شايبٍ فوق معكاز=اما رثع في رمث والا عراده

الله على اللي لالقم نمرته ناز=يفوع فوع الحر باول هداده

لامسكت الطاره ودفوه بالقاز=يسبق ذعاذيع النسيم وبراده

مايشرب البنزين يكود ممتاز=والزيت سوبر شل رمز الجواده

شف الغلام اللي على غايته حاز=ومشى على درب الامل والسعاده

يبعّده عن دار هامز ولماز=لوكان ماياجد شرابه وزاده
doPoem(“font=’Simplified Arabic,6,#000000,bold,normal’ bkcolor=’#D6F1F1′ bkimage=” border=’groove,6,#400000′ shadow=’1′ type=2 line=0 align=center use=ex num=’0,#400000′”);