قال سافر!!

محاورة ساخنة بينه وبين احد الاصدقاءقال سافر قلت وش ينقص وطنا=قال غير جو واحضر حفل غاده

قلت حدك .. قال لاتزعل تأنا=السفر فيه الاناسه والسعاده

لو تشوف اللي على المسرح تثنى =والله لتنسيك ثقلك والركاده

قلت وقف لاتكمّل يالمعنى=صاحبك طرد الهواء ماهو مراده

اثرك المخدوع وعلومك هفنا=وعينك بجنبك مثل عين الجراده

الاناسه والسعاده بين اهلنا=يامدوّر للدنايا والنقاده

شوف براق الحيا منا ومنا=ربعت دار الشهامه والرياده

خاوني يابن النشاما لاتونا=نشرب الغربي ليا ذعذع براده

ان تنادمنا على هيلٍ وبنا=وانتنقل من حماده في حماده

واترك ديار الخلاعه والمجنا=وشايبٍ وصاك لاتترك شداده

قال وش هذا التخلف حل عنا=قهوتي في كوب والسكر زياده

الشباب اليوم يطلب كل فنا=وانت تطمر من ثمامه في عراده

قلت يالله ترشده فارق ضعنا=مابا اقول النار تاليها رماده

قال لاتطلب هداي ولا تمنا=لاتكفرني وانا انطق بالشهاده

قلت غاوي خايبٍ بك كل ظنا=مثلك من المجتمع واجب جهاده

قال انا بنام رح لاتمتحنا=قلت تدري!! نومة الظالم عبادهdoPoem(“font=’Arial,6,#000000,bold,normal’ bkcolor=’#FFFFFF’ bkimage=’images/backgrounds/34.gif’ border=’groove,4,#400000′ shadow=’1′ type=2 line=0 align=center use=ex num=’0,#400000′”);