قلص الغرابيل

قلبي غدا له قرقعه ياريش العين=قريع قلصٍ دبروه النشاطي

اوموبه اللي فالمهمات صلفين=بالفعل لاجا للدعاوي شياطي

من العيا تلوه بالجيب عجلين=وعطوبه الصمان والقلص واطي

واحد يقول يسار والثاني يمين=وكلٍ بتفكيره وعرفه شراطي

وعيّا دليلتهم صعوط المجانين=يقول ابا اتبع رغبتي وانبساطي

سمى لهم في بادي الامر ضلعين=ثم صار عنده في الاموراختباطي

وحصل طلاب ماوصل للغي الشين=وسواقهم كب الدروب عتباطي

وعرق القليّب شقه الجيب نصفين=يتل قلص الغربله بالرباطي

بعد الغلي فى العسر جاله نهارين=يكربطنه فوق روس الاراطي

وطيّر حلال البدو صفق القداحين=واليوسفي فيه اختلط بالطماطي

والشمغ طارت عن جماجم هل الدين=اللي علاويها من الفرو خاطي

وغدا حديده فالصحاري قطاعين=على جررهم مثل حذف القواطي

وبالليل حمله صار يقرب لطنين=يومن احدهم جر فيه البساطي

اصحابنا اللي ودهم جمع ثنتين=البر مع خدمة فنادق شواطي

مسكين ياقلص الغرابيل مسكين=اظن جرحه فى الزمن مايخاطي

وقلبي سوات القلص مظلوم يازين=يقرع وجرحك في علاويه ساطي

بالود يافاتن قلوب المحبين=دغفتني ماخذت منك احتياطي

شعفتني بوعودك اللينه لين=فقدت ياعذب الثمان انضباطي

وضربت بالحايط جميع القوانين=اشره عليّ اليا حسبت المواطي

دام الغرام سكار روس العزيزين=تراي من كاس الغرام متعاطيdoPoem(“font=’Simplified Arabic,6,#000000,normal,normal’ bkcolor=’#E5F4F7′ bkimage=” border=’groove,8,#400000′ shadow=’1′ type=0 line=0 align=center use=ex num=’0,#400000′”);