كريم يابرقٍ

كريم يابرقٍ ســـــرى له تـواشــــي=من عصر دون الشمس حالت سحوقه

اصــتك مزنه واســتوى بالمناشـــي=وجـت به ذعاذيع الـهـبـايب تـســوقـه

جعله على الدار الســــنيه فـراشــي=دارٍ لــهــمــال الـمـخـايــل شـــفــوقــه

يـسـقى العبال العاريات العطاشـــي=وتــنــبــت بعد كانت تقول محـلـوقــه

ويسقي الطلوح اللي كستها الغواشي=ويحيي هـشـــيمٍ ذابـــلاتٍ عــروقـــه

يـجـي لـهـا بعد الـيـبـاس انـتـعاشـي=ويصبح عليها الـورق يـزعج طروقه

ريـح الخزامى والـنـفـل والـوراشي=يـشـدي لعطرٍ فاح في بطن ســـوقه

على ديـــار اللي تملى الـمـعـاشــي=مــشـــرهــاتٍ كل نــاظر تـشـــــوقــه

حـلـيـبـهـن مثل العسل بالغـراشــي=ومـنـها قـصـير الطنب يـرســـل غبوقـه

جعله عوضهن في طعام الخـياشي=تـجـزي عـن الماء والعلف مـاتـذوقــه

ذود الكريم اللي على الـعـز عاشي=مـاحـــاشــــها شــــاوٍ يـعـقـّد ربــوقــه

في شــوفها قلبي يـجـيــه اندهاشي=ولايـنـعـذل قـلــبٍ وســـاعٍ فــتــوقــــه

احـــبـــها حــبٍ تــربّع بـجــاشـي=الــبــل هــوا بــالي وشـــــفــه وذوقـــه

تـبـعـد مـجـالي عـن كثير النقاشي=اللي عــلى الــزلات نــفــســه ســـبوقه

خـبـلٍ قـضـى دنياه مذموم واشـي=بـلـحــوم خــلـق الله تـطابــخ شـــدوقـه

ويـسـقي وطن غروٍ عذيٍ نشاشي=شـلـفا ذيــاب وســـيــف عـنــتر بـمـوقه

ماقط ســرّح في دقــاق المواشــي=حــيثٍ نـفـســه بـالعـشـايـر شـــبــوقــه

هـذا ربـيــع الـبـال والا بــلاشــي=وســعــادةٍ مــاهــيــب هــاذي محــوقــه

يالله يــامـحـيـي رمـيـم الـقـشاشي=يـاعالمٍ وش في ضمير مـخـلــوقــه

نـسالك همالٍٍ على الدار غاشي=مــن رايــحٍ غـــربي تخافق بروقهdoPoem(“font=’Simplified Arabic,6,#000000,normal,normal’ bkcolor=’#FFFFFF’ bkimage=’images/backgrounds/18.gif’ border=’groove,4,#FF4500′ shadow=’1′ type=2 line=0 align=center use=ex num=’0,#400000′”);